192, 10 In nomine Patris et Filii et Spiritus sancti, amen.

192, 11 Conoguda causa sia que na Johana, filia de noble senhor Archambaud,
192, 12 per la gracia de Deu compte de Peyregort, et filia si enarreire de la noble
192, 13 dona na Maria, molher que fo deu dit senhor Compte; laquau Johana
192, 14 era emancipada per aissi cum jo [...]inconnu de Cantalop, publiaus cartolaris
192, 15 de Bourdeau, [...]inconnu s’es dada et autregada, es da et se autrega per
192, 16 palaura de present en molher et en espoza an Pierre de Bordeau, donzet,
192, 17 filh sa enarreire de noble baron en Pierre de Bordeu, qui fo, et lo medis
192, 18 en Pierre de Bordeu es se dat et autregat per palaura de present a la
192, 19 medissa na Johana en marit et en espos. Et la medissa na Johanna [...]inconnu
192, 20 a dat et autregat, da et autrega en quest contreit de maridatge, lo castet
192, 21 en loc aperat Canderoa, et plus tota la part et tot lo dreit que
192, 22 l’avandeita na Maria, maire que fo de la medissa na Johanna, avé o aver podé
192, 23 [...]inconnu eus locs aperats Locmoir, à Valas et à Coredelem; et plus totas
192, 24 aqueras onze vingts livras de tornes [...]inconnu acostumat à prendre cascun
192, 25 an, per l’avandeita na Maria, en peatge de Marmanda, exceptat cent soutz
192, 26 d’arrenda que l’avandeit Compte disso et reconogo que avé dat per la
192, 27 arme de l’avandeita dona na Maria, qui fo et per la arme de la dona na
192, 28 Johana, comptessa qui fo de Tholoza, aus Fraires menors de Marmanda.

192, 29 Et l’avandeit Compte a dat et autregat en quest maridatge à la medissa
192, 30 na Johana tot so que ed eta et aver deu en castet et en loc de Faugairolas
192, 31 qui es en l’abesquat d’Agenès, ab totas las causas atanhent au medis
192, 32 castet et loc de Faugairolas, sian home, homias, questas tailhas, jusdidia,
192, 33 pauqua et gran cens, esporles, agreiras, terras, couttas et hermas sic: nermas (Field)  , devers,
193, 1 dreituras et senhorias et autras causas, per quant que nome sian o deian
193, 2 o puscan estre aperadas o nompnadas apartenetz o aperteneduiras à
193, 3 l’avandeit castet de Faugeirolas [...]inconnu. La medissa na Johana
193, 4 reconogo et confesse que l’avandeit senhor Compte, sos payre, l’avé dat et
193, 5 assigat per radon de sa part que a ley podet escader sic: escadet (Field)   [...]inconnu la medissa
193, 6 na Johanna se tengo es tien per ben pagada [...]inconnu et da et quita
193, 7 per aras et per tot temps au devandeit Compte, et aus hers mascles [...]inconnu
193, 8 lo dreit, la arradon, la taction et la demanda que à ley poguos escader et
193, 9 endevenir en las causas et de las causas deu deit senhor Compte, son
193, 10 paire.

193, 11 E lo medis en Pierre de Bordeu a feit et autregat oscle en quest contreit
193, 12 de maridatge a l’avandeita na Johana, sa molher, tres centz livras de la
193, 13 moneda corsable à Bordeu, cascun an d’arrenda, lasquaus la mes
193, 14 propausat et assignat expressament sobre tota la rente costuma, que l’avandeit
193, 15 Pierre de Bordeu, o hom per luy, a et pren et a acostumat d’aver et à
193, 16 prendre en castet de nostre senhor, lo Rey d’Anglaterra, à Bordeu en
193, 17 tonet de vin, et en autre causas en lesquaus lo medis en Pierre de Bordeu
193, 18 a et pren [...]inconnu à Bordeu [...]inconnu en las autras causas qui son apportadas
193, 19 au marquat à Bordeu [...]inconnu. E adasso tener et complir lo medis
193, 20 Pierre de Bordeu a obligat los bees de Johana, sa molher, sos hers o
193, 21 hereters et ladeita sua costuma et venda et las suas autras arrendas per
193, 22 aissi cum dessus es deit, à tener et à prendre las medissas tres cens livras
193, 23 d’arrenda doscle a la vita, tan solament de la medissa na Johana, si Deu
193, 24 fade son comandament deudeit Pierre de Bordeu deu avant de la medissa
193, 25 na Johana, per aissi cum fors et costuma en Bordales. Et per medissa
193, 26 maneira l’avant deita na Johana [...]inconnu a feit et autreyat oscle en quest
193, 27 contreit de maridatge audeit Pierre de Bordeu, son marit, si Deus fade
193, 28 son comendament de ley, avant que deudeit Pierre de Bordeu, dos centz
193, 29 livras de la moneda corssable en Agenes a cascun d’arrenda : lasquaus la
193, 30 mes prepausat et assignat expressament en deit et sobrendeit castet et loc
193, 31 de Lavardac [...]inconnu. E a dasso tener et complir la medissa Johana ab
193, 32 voluntat et al autrey deudeit senhor Compte, son paire, a obligat audeit
193, 33 Pierre de Bordeu sos hers o hereters en deit castet et loc de Lavardac.

193, 34 E expressament tot so que disso que ave conquestat d’en Pierre et d’en
194, 1 Vidau de Martoret per romanent en fermetat d’arrenda de Marmanda, las
194, 2 quaus lo medis Compte deu aver et prendre assa vita, et un an emprès sa
194, 3 mort, per aissi cum dessus es deit. E per cinquanta milia soutz de la
194, 4 moneda corssabla à Bordeu, que lo medis Pierre de Bordeu, de voluntat
194, 5 et de comendament expres de l’avandeita na Johana, ne dec en paguet en
194, 6 bons deners, Comptat audeit senhor compte, assi cum lo medis senhor
194, 7 Compte disso et reconogo per ben pagat deu tot. [...]inconnu. E fo
194, 8 plus ordenat et autreyat entre lo d’avandeit senhor Compte et l’avandeita
194, 9 na Johana [...]inconnu que si s’endevine que Deus fes son comendament de la
194, 10 medissa Johana sens her de ley descendent, viven lo d’avandeit senhor
194, 11 Compte tota la terra et totas las causa de ladeita Johana, dessus deitas
194, 12 deven tornar au medis senhor Compte.

194, 13 E totas las causas dessus deitas et cadauna d’eras fermament gardar et
194, 14 tener et ses encontre vener, la medissa Johana, endeit Pierre de Bordeu
194, 15 de lurs bons gratz an cadauns jurat sobreus santz evangelis de sic: -- (Saint-Saud, Huet)  Deu,
194, 16 toquat corporaument. E desso fon feitas per voluntat de las partidas tres
194, 17 cartas d’una tenor [...]inconnu. Actum fuit sexta die exitus januarii anno
194, 18 Domini millesimo ducentesimo octagesimo nono; regnante Edoardo, rey
194, 19 d’Anglaterra, Henric arquevesque de Bordeu, en Vidau Pansi, guornador
194, 20 de Bordeu. Testes sunt : Frayre P. Porta, adont prior deu combent deus
194, 21 frayres predicadors de Peyrigurs ; frayre Aymeric de Sant Pau, deu medis
194, 22 orde ; en W. de La Forest, n’Amaneu [...]inconnu la Rocha ; Gauter de Serra,
194, 23 cavoirs; na Arnaud de Talanquafort; P. de Seissas, donzet ; maestre P. de
194, 24 Listrac, canonge de Sent Seurin de Bordeu; Johan de Borc ; Olivier de
194, 25 Tilhac; Auger de Montaut, donzet; e Guilhem de Candaloup qui cesta
194, 26 carta requeri, laquau P. deu Codonh escrivi.