155, 4 Conoguda causa sia a totz homes que sun ne
155, 5 que seran, que cum padz e concordia fos estada
155, 6 feita entre lo major, els juradz, els proshomes de
155, 7 Bordel, d’una part, e entre lo consseill els
155, 8 proshomes de la Reula, d’altra part, als temps que’n
156, 1 P. Veguer era mager de Bordel, a l’an de la
156, 2 Incarnation de nostre seinhor Jhesu Crist, qu’auia.
156, 3 m.cc.xxii. ans, al mes d’abril, si cum en la carta
156, 4 pargda qui’n fo feyta se concern, de laqual carta
156, 5 lo majer, els juradz, els proshomes de Bordel an la
156, 6 meitad, e li prohome el comunal de la Reula an
156, 7 l’altra meitad. Laqual carta est sagelada e
156, 8 confermada ab dos sagels pendentz del comunal de
156, 9 Bordel, e ab dos sagels pendentz del comunal de la
156, 10 Reula. E la concordia e la padz els conventz aissi
156, 11 cum en aquela carta sun escrit e devizad agossen
156, 12 jurad lo mager e li prohome de Bordel, el
156, 13 cosseilh el comunal de la Reula, li nomen desquals
156, 14 en aquela mezissa carta sun escriut, qul los
157, 1 tenguen fizelment e senes tot gerast per aissi cum en
157, 2 aquela mezissa carta. Laquals fo feita al temps de la
157, 3 maioria de’n P. Veguer, a l’an de la Incarnation
157, 4 desus escriut, sun escriut e devizad. E sober aquela
157, 5 padz se sordos discordia entre lor, a la perfin,
157, 6 el temps que’n Ramons Moneders era mager de
157, 7 Bordel, a l’an de la Incarnation de nostre seinhor
157, 8 Jhesu Crist, que auia .m.cc.xxx. ans. Fo en tal
157, 9 maneira acordad e mes a concordia e a forma de
157, 10 padz, so es assaber que la carta desus diita, qui fo
157, 11 feita al temps que P. Veguer era mager de
157, 12 Bordel, l’an de la Incarnation de nostre seinhor .m.cc.
157, 13 xxii. ans, al mes d’abril, confermed na Ramons
157, 14 Moneder, qui la doncs era mager de Bordel, e li
157, 15 .l. jurad de Bordel, sui compainhon, per
157, 16 autrejament e per voluntad dels autres proshomes de
157, 17 Bordel. E la mezissa carta confermeren na Ramon de
157, 18 Pins, e li altri prohome de la Reula, li nomen des
157, 19 quals plus bas en aquesta mezissa carta sun escrit,
157, 20 ab autrejament e ab voluntad dels autres proshomes
157, 21 de la Reula. Enpero, na Ramons Moneder, la
157, 22 doncs mager de Bordel, e li .l. jurad de Bordel,
158, 1 sui compainhon, so as assaber en Johans de
158, 2 Mercer, en Helias de Prat Nou, en Josez de Noailhan,
158, 3 en Arrostaing Hebrard, en Josez Esperon, en W.
158, 4 Delmorar, en Bonetz Delbosc, en B. Delbosc, en
158, 5 R. Borgs, en Johans Ninon, en A. Oliver, en
158, 6 Robertz Delnoguer, en A. R. de Beainha, en
158, 7 Benezeit de Lop Salt, en P. Bonafoz Cotet, qui la doncs
158, 8 era prebostz de la comunia de Bordel, en P. Cofer,
158, 9 en Rostaing de Maurecainha, en W. Esquivan,
158, 10 en Johans de Talansa, en R. Vigoros, en Arnadz,
158, 11 en A. Tecbaut, en A. Toscanan, en Guaillardz
158, 12 Bomba, en Gaufre d’Arrocha Fort, en Estevens
158, 13 d’Engoleime, en P. A. Loceler, en Trecmaldz, en
158, 14 Symons Trencard, en W. Garmon, en Johans
158, 15 Popet, en P. de Balinhac, en A. Franquet, en W. de
158, 16 la Tasta, en W. del Soler, en Robertz Mainhan, en
158, 17 Galceins de la Forest, en R. d’Arruan, en Galcenis
158, 18 de Faïha, en A. de Saussac, en P. Bonifaci, en P.
158, 19 de Cadaujac, en A. Delfar, en Matheus, en W. A.
158, 20 de Magnessan, en Johans de Santa Gema, en W. de
158, 21 Baudas, en W. del Mur, en P. Grimald, en W.
158, 22 d’Auteillan, jureren sobre sic: sobro (Field)  sentz que il la carta
159, 1 desus diita qui fo feita a la majoria de’n P. Veguer,
159, 2 els coventz qui en aquela carta sun devizad,
159, 3 tenguen senes tot gerast fizelment. Per mezissa
159, 4 maneira an s jurad na Ramon de Pins, en Sanz
159, 5 del Miraill, en A. de Pins lo fill de na Ricsen, en
159, 6 Rotbez de Botavilla, en W. Orgoill, en Centodz,
159, 7 en Johans Arrainald, en Bonetz Usclad, en Vidals
159, 8 de Seguin, en W. de Navarra, en P. de Millan, en
159, 9 Jordans del Castainhet, en W. Ajoclin, en Bidons
159, 10 de Sinot, en Helias Brocha, en P. de Gaufre, en
159, 11 Bertrans dau Bomarden, en R. Camadura, en
159, 12 Bonin Celer, en Grimardz Boysset, en Jordans
159, 13 Pansa, en Vidaloatz del Miraill, en Sancius del
159, 14 Mirall, en Vidals Bacon, en Bidos de la Rocha,
159, 15 en Bidtoz Pansa, en Vidals Colac, en W. Arrainald,
159, 16 en Vidals Cor, en Vidals Carle, en V. Colac, lo
159, 17 fraire deu Salomon, en P. Andron, en P. Pelad,
159, 18 en W. Andreu, en V. Baganal, en Vidals de la
159, 19 Faurga, en P. Merlet, en Johans del Port, en P.
159, 20 de Pins, en Bidons de Lacaal, en Guaillardz de
159, 21 Seguin, en Garcias de Tordid, en Gastons, en
159, 22 Seinhorons de Gaufre, en Vidals del Miraill, en A. W.
160, 1 Gotol, en R. de Sent Airard, en R. de Nairidz, en
160, 2 Rainald Albt, en Bonins de Lacaal, en Rainaldons,
160, 3 en Sanz de Nairidz, en A. Ponz, en R. Baganal, en
160, 4 Monins de Borricas, en W. Faur de Lacaal, en
160, 5 Esteves Carrias, en Esteves de Pins, en P.
160, 6 del Port de las Salargas, en R. de Migainh,
160, 7 en P. Esclau, en Seinhoros del Port, en Ramnols
160, 8 de Coninhac, en R. Esclau, per lor e per tot lo
160, 9 comunal de la Reula qu’ill la carta desus dita qui feita fo
160, 10 en la mageria de’n P. Veguer, e totz los conventz
160, 11 qui en aquela carta sun escriut tenguen fizelment e
160, 12 senes tot gerast. E es assaber que en aquel mezis
160, 13 segrament, an mes de la una part, e de l’altra que
160, 14 a un acort sien es tengan fizelment a la seinhoria
160, 15 de nostre sic: notre (TF)  seinhor lo Rei d’Anglaterre, a bona fe e
160, 16 que asso que faran ne fassen d’ambats partz per un
160, 17 acort els uns per cosseill des altres. Enperò, si li
160, 18 prohome de Bordel aven coita, aissi que ill fossen
160, 19 assegad dels enemics de nostre seinhor lo Rei
160, 20 d’Anglaterra, si ill demandaven secores als proshomes
160, 21 de la Reula, li prohomes de la Reula lor devon
160, 22 far secores ab .c. homes armadz a lor cost. Si
161, 1 pero li prohome de la Reula aven coita aissi qu’ill
161, 2 fossen assegad dels enemics de nostre seinhor lo
161, 3 Rei d’Anglaterra, si ill demandaven secors al maior
161, 4 e als proshomes de Bordel, lo mager e li prohome de
161, 5 Bordel lor devon far secors ab .cc. homes,
161, 6 armadz a lor cost. Si enpero mager secors ave
161, 7 mester, a la una part o a l’autra, devon far secors li
161, 8 un als alters, ad aquels so es assaber que seren asseijad,
161, 9 dels .c. homes en sus, o dels .cc. homes en
161, 10 sus, par razon que ill conoisser comunalment
161, 11 que’l secors aure mester a far. Tot aisso aissi cum
161, 12 es sober escrit es estad feit e hordenad, salba la
161, 13 seinhoria e la fezeltad de nostre seinhor lo Rei
161, 14 d’Anglaterra. E d’aisso sun estadas feitas doas cartas
161, 15 partidas per .a.b.c., lasquals per que agen plus de
161, 16 fermetad e de credenssa, sun estadas sageladas
161, 17 ab lo sagel pendent de la comunia de Bordel e
161, 18 ab lo sagel pendent del comunal de la Reula.
161, 19 Actum anno ab Incarnatione domini .m.cc.xxx. mense
161, 20 novembris R. Monetario tunc existente majore
161, 21 Burdegalae .