42, 30 Conoguda causa sia que cum eu contreit deu maridatge feit et autreyat
42, 31 sa en arreyre entre la dona n’Agnes, filha deu noble baron lo senhor n’Ot
42, 32 de Lomanha, cavoir, senhor deu feu Marchon d’una part et lo noble
42, 33 baron en Pons, senher de Castelhon en Medouc, cavoyr, marit de la dona
42, 34 n’Agnes d’autra part, maiestre P. de Listrac et Bernardz Lambert, clercs,
43, 1 qui fo sa en arreyre, procurador deu senhor en Gaucem, senhor de
43, 2 Castelhon, payre qui fo deu deit senhor en Pons, agossan et ayan reconogut
43, 3 en nome et en loc deudeit senhor en Gaucem de Castilhon, qui fo, que
43, 4 lodeitz senher n’Otz de Lomanha los ave dat et pagat en bons deners
43, 5 conptatz ab la deyta sa filha per radon de l’avantdeit maridatge et autreiat
43, 6 entre la medessa dona et lodeit senhor en Pons, vint milia soudz de la
43, 7 moneda corsabla a Bordeu.

43, 8 E en medis contreit de maridatge lodeitz senher n’Otz agos plus dat et
43, 9 promes assignar, balhar et livrar per radon de medis maritdatge audeit
43, 10 senhor en Pons e a sson comandament vint et cinc livras de la moneda
43, 11 corsabla a Bordeu de renda per an, en bons locs et en valentz deus
43, 12 certan terme, lonctemps a passat tot per ayssi cum fo deit estre plus
43, 13 pleneyramentz contengut en carta feyta deudeit maridatge, enquerida sa en
43, 14 arreyre per P. Arrott [...]unknown cartolari de Bordeu.

43, 15 Et l’avantdeit procurador deudeit senhor en Gaucems, qui fo, o aucuns
43, 16 de lor, o lodeitz senher en Gaucems, qui fo, o lodeitz senher en Pons sos
43, 17 filhs, o aucuns de lor, o aucuna autra perssona per nome de lor o de
43, 18 aucun de lor, en vertat, no agossan o ayan agudas o recebudas las deitas
43, 19 miu livras et deners [...]unknownderas ja sia asso que lideit procurador sa
43, 20 en arreyre agossan et ayan reconogut que las aven totas agudas et
43, 21 recebudas totas las medissas miu livras fossan et sian en vertat totas encaras
43, 22 degudas.

43, 23 E las avantdeitas xxv livras de renda fossan et sian encaras totas a
43, 24 assignar, balhar et livrar et li arreyratge tut degut deu temps, [...]unknown
43, 25 datges fo feitz et autreyatz ensa, segont que fo deit en vertat.

43, 26 Es assaber que lo senher en Guiraudz Descatarenxs, cavoyrs,
43, 27 procurayres et atornatz deudeit senhor n’Ot de Lomanha, tot per ayssi cum yo
43, 28 P. Gombaut, communaus notaris de Bordeu, en la presencia deus
43, 29 testimonis dejus escriutz vi et legi estre plus pleneirament c[...]unknown letra
43, 30 patenta feyta deudeit procuratori, sagerada sicum appareysse. E lodeitz
43, 31 senher en Guiraudz Descatarenx et en Bernardz et en Guiraudz
43, 32 Trencaleon, daudet, frayre, filh deudeit senhor n’Ot de Lomanha, reconogoren
43, 33 et dissoren en vertat deu saget propri deudit senhor n’Ot de Lomanha la
43, 34 tenor de la quau letra o deu quau [...]unknown et es ataus : Universis
43, 35 [...]vidimus given p. 39-42. Havens sobre asso sicum disso et es contengut eu deit
44, 1 procuratori especiau comandament deudeit senhor n’Ot de Lomanha et
44, 2 per lo poder a luy dat eu medis procuratori, en nome et en loc et cum
44, 3 procurayre et atornatz deu medis senhor n’Ot et per totz sos hereters et
44, 4 successors, ab voluntat, autreyt, consentement et auctoritat deudeit senhor
44, 5 en Guiraut Descatarenxs, procurator et atornat deudeit senhor n’Ot, lur
44, 6 payre, per radon et recompensation de las avantdeitas miu libras en
44, 7 deners, deu maridatge desusdeit degudas et de las avantdeitas xxv libras
44, 8 de renda per an assignaduyras et balhaduyras et deus avantdeitz
44, 9 arreyratges degutz per radon de las medissas xxv lib. de renda per an, per
44, 10 tota la part et la portion et per tot lo dreit et tota la radon a ladeita dona
44, 11 n’Agnes atanhent et apertenent, et podent atanher et apartener, aras et
44, 12 d’assi enant, en la terra et eus bens et de la terra et deus bens presentz et
44, 13 avenidurs deudeit senhor n’Ot de Lomanha, et en la terra et eus bens et de
44, 14 la terra et deus bens qui foren de l’avantdeita dona na Guirauda de
44, 15 Marmanda, en autra maneyra aperada, na Daurada, maire qui fo de
44, 16 l’avantdeita dona n’Agnes et deus avantdeitz en Bernard et en Guiraut Trencaleon,
44, 17 en la presentia de min avantdeit Pey Gombaut, notari public de Bordeu et
44, 18 deus testimonis dessus escruitz, an dat, autreyat, quitat, assignat, balhat,
44, 19 dan, autreyan, quitan, assignan, balhan et livran, ab aquesta present
44, 20 carta, a l’avantdeita dona n’Agnes et audeit senhor en Pons, senhor de
44, 21 Castelhon, son marit, per nome de ley, et a totz los hers de la medissa
44, 22 dona n’Agnes, descendentz de leyau matrimoni, ayssi cum terra o renda
44, 23 dada et autreiada en maridatge, segont las costumas de Bordales, totas
44, 24 las rendas, los dreitz, los devers, la senhorias et tot quant integramentz
44, 25 que lodeitz senhor n’Otz de Lomanha et la nobla dona n’Alais, sa en
44, 26 arreyre dona de Blanquafort, qui fo, en temps que vive, aven et tenen et
44, 27 deven o poden aver et tener en aucuna maneyra en tot lo castet et la
44, 28 castelania, la honor ou destreit et en totas las apertenenssas onte [...]unknown de
44, 29 la Yla en Aruan de l’ebesquat de Bordales.

44, 30 E totz dreitz et totas radons et dreyturias que agossan o pogossan aver
44, 31 contra totas perssonas per radon deu medis castet et castelania, honor et
44, 32 destreit deudeit loc de la Yla et de totas sas apertenenssas. Eus en an feit
44, 33 et autreiat, fen et autreyan acordadamentz cession et quitanssa deu tot
44, 34 et feitz res [...]unknownais et certans senhors et possessors, cum en lor propria
44, 35 causa, ayssi cum de terra et renda dada et assignada en maridatge et per
45, 1 maridatge, segont las avantdeitas costumas de Bordales, ayssi en la
45, 2 forma et en la maneira que duran lo termini avantdeit, entre ladeita
45, 3 dona n’Agnes et lodeit senhor de Castelhon, son marit, la medissa dona
45, 4 n’Agnes o lodeit sos marit sic: -- (Delpit)  no vendan, obliguen o alienen ni pusquen
45, 5 vendre obligar o alienar las avantdeitas rendas o causas de la Yla desus
45, 6 dadas et assignadas o partida d’eras in deguna maneyra. E las medissas
45, 7 rendas et causas desus assignadas et dadas per losdeitz procurador
45, 8 [...]unknown procurayre et frayre acordadamentz an dat et assignat, dan et
45, 9 assignan en [...]unknown tau condicion que ladeita dona n’Agnes et
45, 10 lodeitz senhor en Pons, sos maritz, per edz et per todz lurs successors
45, 11 quiten a l’avantdeit senhor n’Ot de Lomanha et et atotz sos successors et
45, 12 aus avantdeitz en Bernard et en Guiraut, sos filhs et a totz lurs succesors
45, 13 perpetuaument [...]unknown ditas miu libras en deners de maridatge
45, 14 desus deit. E plus totas las avantdeitas xxv libras de renda per an
45, 15 assignaduyras et balhaduyras. E todz los avantdeitz arreyratges degutz per
45, 16 radon de las medissas xxv libras de renda.

45, 17 Et plus totz los autres bens presentz en avenidurs deudeit senhor n’Ot.

45, 18 Et plus tota la terra et totz los [...]unknown qui foren de
45, 19 l’avantdeita dona na Guirauda, maire qui fo de ladeita dona n’Agnes et deusdeitz
45, 20 en Bernard et en Guiraut Trencaleon sos frayres.

45, 21 E ayssi et en tau condition plus que la medissa dona n’Agnes, per sin
45, 22 et per sos successors quite et absoudia todz los bens de l’avantdeit senhor
45, 23 en Pons de Castelhon, son marit, et de [...]unknown las avantdeitas miu sic: mui (Field)  libras
45, 24 en deners per los procuradors desus mentagutz deudeit senhor en
45, 25 Gaucem de Castelhon, qui fo, reconogudas sa en arreyre, que aven agudas et
45, 26 recebudas sa en arreyre en deners comptatz deudeit senhor n’Ot de
45, 27 Lamanha per radon deu maridatge desusdeit, per ayssi cum en
45, 28 l’avantdeita carta feyta deu medis maridatge enquirida [...]unknown per lodeit Pey
45, 29 Arrobert es contengut.

45, 30 E de totas et senglas las avantdeitas rendas et causas desus dadas et
45, 31 assignadas, per l’avantdeit procurador et per los avantdeitz frayres, a la
45, 32 deita dona n’Agnes et audeit son marit, per nome de ley et aus avantdeitz
45, 33 hers de la medissa dona, ayssi cum es avantdeit, l’avantdeitz senher en
45, 34 Guiraut Descatarenxs, procurayre en nome et en loc et cum procurayre
45, 35 et atornatz deudeit senhor n’Ot de Lomanha et per todz sos successors,
46, 1 ab voluntat assentiment deus avantdeitz en Bernard et en Guiraud
46, 2 Trencaleon, frayres, sotz obligation de todz los bens, presentz et avenidors,
46, 3 deven et an combent et promes portar a ladeita n’Agnes et audeit son
46, 4 marit per nome de ley et aus avantdeitz hers descendentz de la medissa
46, 5 dona, perpetuaumentz bona et ferma garentia en todz locs, de totas
46, 6 perssonas, ayssi cum de terra et renda dada et assignada en maridatge et
46, 7 per maridatge, segont les avantdeitas costumas de Bordales. So es a ssaber
46, 8 expressamentz de la carta part de tot lo deit castet et castelania
46, 9 et de las rendas deus dreitz et deus devers aus medis castet et castelania
46, 10 de La Yla apartents.

46, 11 Enpero si lodeitz senher n’Otz eus deitz castet et castelania de La Yla
46, 12 et en lur apartenenssas ave et deve aver en aucuna maneyra plus de la
46, 13 deita carta, pero vougoren et autreyeren, volen et autreyan lodeitz
46, 14 procurayre, en nome et en loc deudeit senhor n’Ot et per sos successors, ab
46, 15 voluntat et assentiment deusdeitz sos filhs et limedis frayre, per edz et
46, 16 per lurs successors, ab voluntat deudeit procurador que tot sia et deya
46, 17 et pusqua estre de ladeita dona n’Agnes et de sos avantdeitz hers et
46, 18 que la medissa dona et suy her ac pusquan demandar et cobrar et appropriar
46, 19 tot a lor de totas perssonas qui ac ayan e tengan, ayssi cum la lor
46, 20 propria causa et ayssi cum terra et renda dada et assignada en maridatge et
46, 21 per maridatge, segont las avantdeitas costumas, quar l’avantdeit
46, 22 procurayre et frayre ac an tot dat et autreyat, dan et autreyan en aquest
46, 23 present contreit a ladeita dona n’Agnes et a ssos avantdeitz hers, ayssi cum
46, 24 terra o renda dada en maridatge, segont la forma desus contenguda.
46, 25 Volent et autreyant li avantdeit procurayre et frayre, l’uns ab voluntat
46, 26 ac[...]unknown l’autre, per edz et en nome et en loc deudeit senhor n’Ot que
46, 27 d’assi enant ladeyta dona n’Agnes et lodeitz sos maritz, per nome de ley
46, 28 et li avantdeit her de la medissa dona per lur propria auctoritat prengan
46, 29 et sadiscan, et deyan et pusquan prendre et sadir, et metre a lor man
46, 30 totas et senglas las avantdeytas [...]unknown lurs apertenenssas desus dadas
46, 31 et assignadas ayssi cum lur propri heretatge et cum la lor propria causa,
46, 32 segont la forma desus contenguda.

46, 33 E si s’endevine que Deus fes son comandament de l’avantdeita dona
46, 34 n’Agnes, avant que deudeit senhor en Pons, son marit, vougoren et
46, 35 autreyeren, volen et autreyan [...]unknown procurarayre, en nome et en loc
47, 1 deudeit senhor n’Ot et per sos successors, ab voluntat et assentiment deus
47, 2 avantdeitz frayres, filhs deumedis senhor n’Ot et li medis frayre, per edz
47, 3 et per lurs successors, ab voluntat et auctoritat deudeit procurador, que
47, 4 en aquet cas lodeitz senher en Pons de Castelhon aya, et deya, et pusqua
47, 5 [...]unknown las avantdeitas rendas et causas ab lurs apertenenssas deusdeitz
47, 6 castet et castelania de La Yla, per losdeitz procurador et frayre desus
47, 7 assignadas totas las avantdeitas miu libras en deners deu maridatge desus
47, 8 deit, ayssi cum deners datz in maridatge, segont las avantdeitas costumas de
47, 9 Bordales.

47, 10 Et per las [...]unknown deners, lodeitz senher en Pons et suy her, en cas
47, 11 desus deit, ayan et tenguan et deyan aver et tener en lur possession et
47, 12 sadina l’avantdeit castet et castelania et totas et senglas las rendas et
47, 13 causas deudeit loc de La Yla, desus assignadas ab totas lurs
47, 14 apertenenssas entegramentz et n’ayan et prengan todz los fruytz [...]unknown las
47, 15 medissas rendas et causas et todz los medis fruitz et yssidas fassan et
47, 16 pusquan far todz lurs propris et proprias, tant et jusqua lomedis senher
47, 17 de Castelhon o suy her sian pagat perfeytamentz de totas las avantdeitas
47, 18 miu livras en deners et de las deytas xxv libras de renda o partida d’eras
47, 19 contengudas en l’avantdeita carta feyta deudeit [...]unknown dona n’Agnes
47, 20 sa molher.

47, 21 E si sic: -- (Delpit)  et apres la fin deudeit senhor en Pons, la deita dona n’Agnes
47, 22 demandava et vole cobrar et aver deus bens deudeit senhor en Pons, son
47, 23 marit, o de sos hers o successors las avantdeytas miu sic: mui (Field)  livras en deners et
47, 24 lasdeytas xxv livras de renda o partida d’eras, contengudas en
47, 25 l’avantdeita carta feyta deudeit maridatge, enquerida per lodeit Pey Arrobert et
47, 26 nos, tene et vole tener per contenta et per abondoza de las avantdeitas
47, 27 rendas et causas deudeit loc de La Yla, desus dadas et assignadas per
47, 28 las deytas miu livras en deners et per las deytas xxv libras de renda per
47, 29 an, en aquet cas, vougoren et autreyeren, volen et autreyan l’avantdeitz
47, 30 senher en Guiraudz Descatarenxs, en nome et en loc et cum procurayre
47, 31 et atornatz deudeit senhor n’Ot et per sos successors, ab voluntat, autrey
47, 32 et assentiment deus avantdeitz en Bernard et en Guiraud Trencaleon et li
47, 33 medis frayre per edz et per lurs successors, ab voluntat et auctoritat deu
47, 34 deit procurador, que li hereter deudeit senhor de Castelhon ayan et
47, 35 tengan, et deyan et pusquan aver et tener en lur pocession et sadina
48, 1 totas et senglas las avantdeitas rendas et causas deudeit loc de La Yla,
48, 2 ab totas lurs apertenenssas entegramentz et n’ayan, prengan et recepian
48, 3 et deyan et pusquan aver, prendre et recebre todz los fruitz et totas las
48, 4 yssidas, et todz losmedis fruitz et yssidas fassan, et deyan, et pusquan far
48, 5 todz lurs propris et proprias, tant en jusqua lodeitz senher n’Otz, o suy
48, 6 her o successor pagan et renden o ayan pagat et rendut ausdeitz hereters
48, 7 o successors deudeit senhor en Pons totas las avantdeitas miu libras en
48, 8 deners comptantz et las avantdeitas xxv libras de renda, o eyan feit tenir
48, 9 et estar ladeita dona n’Agnes per pagada, per contenta et per abondoza
48, 10 de lasdeytas miu libras en deners et per lasdeytas xxv libras de renda.

48, 11 Pero, es a ssaber, que si Deus fade son comandament de ladeita dona
48, 12 n’Agnes, senes her de ley descendent et apparoent de leyau matremoni,
48, 13 o ab her o hers, et aquit her o hers no aven her de lor descendent et
48, 14 apparoent de leyau matrimoni, so que ja Deus no don, en aquet cas,
48, 15 apres la mort de lor, totas et senglas las avantdeitas rendas et causas
48, 16 deudeit loc de La Yla desus dadas et assignadas, deven et deuran estre et
48, 17 remaner soutas et quitas sens tot contrast et enbargament audeit senhor
48, 18 n’Ot de Lomanha et a ssos hers et successors, ayssi cum lur propris
48, 19 heretatges, pagant audeit senhor de Castelhon et a ssos hers las miu libras
48, 20 en deners desus deytas, si lo cas desus deitz s’endevine que Deus fes
48, 21 son comandament de ladeyta dona n’Agnes avant que deudeit senhor en Pons,
48, 22 son marit, ayssi cum es avantdeit.

48, 23 E pagant lo testament de la medissa dona n’Agnes en jusqua la somma
48, 24 de dos centz livras de la moneda corsabla a Bordeu, enpero sout
48, 25 prumeyrament lo matremoni avantdeit entre ladeita dona n’Agnes et lodeit
48, 26 senhor en Pons, d’aqui enant ladeita dona n’Agnes et li her de ley
48, 27 descendent et li her d’aquetz her o hers descendentz, deven et poden et
48, 28 deuran et poyran far et ordenar en totas las maneyras que a lor playra
48, 29 de totas et senglas las avantdeitas rendas et causas deudeit loc de La Yla
48, 30 a ladeita dona et a ssos hers desus dadas et assignadas et de totas lurs
48, 31 apertenenssas, totas lurs proprias voluntatz, ayssi cum de las lurs proprias
48, 32 causas, no cotrastant deguna causa desus en cesta carta contenguda
48, 33 segont los fors et las costumas de Bordales.

48, 34 E es a ssaber que l’avantdeita dona n’Agnes et lodeitz senher en Pons,
48, 35 sos maritz acordadamentz, certiorat perfeitamentz, si cum dissoren, de
49, 1 totz lurs dreitz per edz et per todz lurs hers et successors, l’uns ab
49, 2 voluntat, autrey et consentiment expres de l’autre, per las avantdeitas
49, 3 rendas et causas deudeit loc de La Yla, a lor desus dadas et assignadas
49, 4 segont la forma desus contenguda, an quitat et quitan puramentz et
49, 5 simplamentz a l’avantdeit senhor n’Ot de Lomanha et a todz sos hereters et
49, 6 successors perpetuaumentz et audeit senhor en Guiraut Descatarenx, son
49, 7 procurador, et a min avantdeit notari asso stipulantz et recebentz en nome
49, 8 et en loc et ad ops deumedis senhor n’Ot et de totz sos hereters et
49, 9 successors, totas las avantdeitas xxv libras per lomedis senhor n’Ot sa en
49, 10 arreyre promezas assignar, balhar et livrar aus deitz marit et molher,
49, 11 segont la forma contenguda en l’avantdeita carta feyta deudeit lor
49, 12 maridatge et todz los arreyratges a lor degutz per arradon de las medissas
49, 13 xxv libras de renda.

49, 14 E todz dreitz et totas radons, dreyturas, actions et demandas quaus
49, 15 que sian et estre pusquan que la medissa dona et lodeitz sos maritz et
49, 16 cadauns de lor agossan et degossan o pogossan aver, ensemps o
49, 17 deparadamentz en aucuna maneyra, contra lodeit senhor n’Ot et sos bens per
49, 18 radon de las deytas xxv libras de renda et deus arreyratges desusdeitz.

49, 19 E lodeitz senher en Pons per sin et per sos successors, de son bon
49, 20 grat a quitat et absout quita et absoub lodeit senhor n’Ot et todz sos bens
49, 21 detotas las avantdeitas miu libras en deners et de tot quant que demandar
49, 22 o corelhar lo pogos o degos per radon de las medissas miu libras en deners.

49, 23 Pero saubat et retengut au medis senhor en Pons et a ssos successors
49, 24 todz lurs dreitz et tota lur obligation desusdeita en las avantdeitas rendas
49, 25 et causas deudeit loc de La Yla et en lurs apertenenssas per radon de las
49, 26 avantdeitas miu libras en deners, segont la forma desus contenguda, si
49, 27 lo cas desus deitz s’endevine que Deus fes son comandament de ladeita
49, 28 dona n’Agnes avant que deudeit senhor en Pons, son marit, ayssi cum es
49, 29 avantdeit et no en autra maneyra.

49, 30 E per lasmedissas rendes et causas ab lurs [...]unknown
49, 31 apertenenssas deudeit loc de La Yla a ladeita dona n’Agnes et a ssos
49, 32 avantdeitz hers desus dadas et assignadas per lo procurador desus deit et
49, 33 per losdeitz sos frayres, ayssi cum es avantdeit, lamedissa dona n’Agnes de
49, 34 sa certa scientia et de sa bona et agradabla voluntat, certiorada
49, 35 perfeitaments, si cum disso, de totz sos dreitz per sin et per todz sos hers,
50, 1 hereters et successors, ab voluntat, autrey, consentement et auctoritat deudeit,
50, 2 son marit, et deudeit procurador deudeit senhor n’Ot, son payre, a dat
50, 3 et quitat, da et quita puramentz et simplamentz et senes tota condition
50, 4 aus avantdeitz en Bernard et en Guiraud Trencaleon, sos frayres, et a
50, 5 cadaun de lor, et aus hers de lor et de cadaun de lor descendentz de
50, 6 leyau matremoni; losmedis frayres recebentz aquesta causa ab voluntat,
50, 7 assentement et auctoritat deudeit senhor en Guiraud, procurador deudeit
50, 8 senhor n’Ot, lur payre, tota la terra et todz los bens qui foren de
50, 9 l’avantdeita dona na Guirauda, lor mayre qui fo.

50, 10 E plus tota la terra et todz los bens presentz et avenidurs deuddeit
50, 11 senhor n’Ot, lur payre.

50, 12 E todz dreitz et totas radons et dreyturas que lamedissa dona n’Agnes
50, 13 agos et degos et pogos aver, aras o d’assi enant, en aucuna maneyra en
50, 14 totas las avantdeitas rendas et bens qui foren de l’avantdeita dona na
50, 15 Guirauda de Marmanda, lor mayre, et qui son et seran de l’avantdeit
50, 16 senhor n’Ot, lor payre.

50, 17 Eus en [an] sic: -- (Field)  feit cession et quitanssa deu tot et establitz verays et certans
50, 18 senhors, cum en lor propria causa.

50, 19 E a plus quitat et quita lamedissa dona n’Agnes, per sin et per sos
50, 20 successors, de son bon grat, ab voluntat et autoritat deus [...]unknownres et
50, 21 deudeit procurador, deudeit senhor n’Ot, son payre, a l’avantdeit senhor
50, 22 de Castelhon, son marit, et a ssos successors todz dreitz, totas radons
50, 23 dreyturias et obligations que lamedissa dona agos et degos et pogos aver
50, 24 et demandar, o corelhar, aras, o d’assi enant, en aucun cas, en aucun
50, 25 temps, eus bens presentz et avenidurs deudeit senhor en Pons, son marit,
50, 26 per rad[...]unknown son de las avant dejtas sic: destas (Field)  miu livras en deners contengudas en
50, 27 l’avantdeita carta deudeit son maridatge, tenentz sui per ben pagada, per
50, 28 contenta et per abondoza per ladeita part o portion a ley atanhent et
50, 29 apertenent o podent atanher et apertener aras o d’assi enant de lasdeytas
50, 30 terras et deusdeitz bens, qui foren de ladeita dona na Guirauda, sa mayre,
50, 31 [...]unknown seran deudeit senhor n’Ot, son payre; et per las deytas miu libras
50, 32 en deners et per las deytas xxv lib. de las avantdeitas rendas et causas
50, 33 deudeit loc de La Yla a ley et a ssos avantdeitz hers dadas et assignadas
50, 34 desus, per losdeitz procurador et ssos frayres, ayssi cum es avantdeit et
50, 35 contengut.

51, 1 Pero saubat et retengut en todz cas a ladeita dona n’Agnes [...]unknown hers
51, 2 perpetuaumentz totas et senglas las avantdeitas rendas et causas deudeit
51, 3 loc de La Yla ab totas lurs apertenenssas, segont la forma et la tenor
51, 4 desus contenguda.

51, 5 E saubat plus et retengut a l’avantdeita n’Agnes tot son oscle et son
51, 6 don a ley sa en arreyre fetz et autreyatz en contreit deudeit son
51, 7 maridatge per los procuradors desus mentagutz deudeit senhor [...]unknown de
51, 8 Castelhon, qui fo en jusqua a la somma de dotze milia soudz de la moneda
51, 9 corssable a Bordeu, segont la forma et la tenor et la obligation contenguda
51, 10 en l’avantdeita carta deudeit son maritdatge, feyta o enquerida per
51, 11 l’avantdeit Pey Arrobert, cartolari de Bordeu, lo quau avantdeit oscle et
51, 12 obligation deusdeitz XII milia soudz lodeitz senher en Pons de Castelhon
51, 13 [...]unknown et autreyet, vou et autreya que ayan et dayan et pusquan aver
51, 14 bona et entegra valor et fermetat, segont la tenor de l’avantdeita carta
51, 15 deudeit lor maritdage.

51, 16 Et a mandat et promes l’avantdeita dona n’Agnes leyaumentz, en bona
51, 17 fe, et jurat de son bon grat sobreus sanctz evaugelis Deu toquatz
51, 18 corporaumentz, ab voluntat autrey, consentement et auctoritat deudeit senhor
51, 19 en Pons, son marit, et deusdeitz ssos frayres et deudeit procurador, deu
51, 20 deit senhor n’Ot, son payre, que encontra aquestas avantdeitas presentes
51, 21 compositions, ordinations, donations et quitanssas o contra las causas,
51, 22 totas o aucuna d’eras, en cesta carta contengudas no vindra ni sasagera
51, 23 venir, en degun cas, en degun loc, ni en degun temps. E de lasdeitas o
51, 24 per radon de lasdeytas xxv libras de renda et miu libras en deners deu
51, 25 deit son maridatge o de partida d’eras, ni per radon o per occayson de
51, 26 donations et quitanssas per ley en cesta present carta aus deitz sos frayres
51, 27 et a lurs avantdeitz hers, feyta et autreyada de las avantdeitas terras et
51, 28 deusdeitz bens qui foren de ladeita dona na Guirauda, lor mayre, et qui
51, 29 son et seran deudeit senhor n’Ot, lor payre, audeit senhor en Pons, son
51, 30 marit, o a ssos hereters et successors o a lurs bens, are meis no
51, 31 demandera ni fara demandar per sin ni per autra perssona, en degun loc, en
51, 32 degun cas, en degun temps, en las avantdeitas terras et eus deitz bens
51, 33 qui foren de l’avantdeita dona na Guirauda, sa mayre, et qui son et seran
51, 34 deudeit senhor n’Ot, son payre, per radon de deguna suscession qui a
51, 35 ladeita dona n’Agnes s’apertengos o s’ degos o pogos apertener per radon
52, 1 de ladeita dona sa mayre, et deudeit son payre arre no demandera ni
52, 2 fara demandar per deguns dreitz, ni per degunas costumas, o per radon
52, 3 o causas, en degun loc, en degun temps, aus tot ayssi cum desus es deit,
52, 4 ordenat et contengut; ac tendra, gardera et cumplira entegramentz et
52, 5 perfeytamentz sens encontra venir entot ni en partida sino per dreyta
52, 6 succession, qui a lamedissa dona n’Agnes o a ssos hers degos o pogos
52, 7 avenir apres la fin deus avantdeitz sos frayres o deus hers de lor
52, 8 descendens de leyau matremoni segont la forma desus contenguda.

52, 9 Renunciantz sobre asso a todz beneficis de restitution aus dreitz et a
52, 10 las leys ajudans aus decebutz, a tods autres dreitz escruits et no escruitz,
52, 11 divins et humans, generaus et especiaus, feitz et a far, tazibles et expres,
52, 12 a totas costumas et franquessas, a todz privilegis et beneficis et a totas
52, 13 radons et causas que valer o ajudar lo pogossan en aucun temps per venir
52, 14 encontra en tot o en partida. Volentz et autreyantz que totas aquestas
52, 15 renunciations generaus en cascun cas et en cascun articgle contengut en
52, 16 cesta present carta ayan et deyan et pusquan aver en todz locs artant de
52, 17 valor et de fermetat cum si fossan o eran renunciatiuns especiaus.

52, 18 E d’autra part es a ssaber que l’avantdeit senhor en Guiraudz
52, 19 Descatarenx, en nome et en loc, et comme procurayre et atornatz deudeit senhor
52, 20 n’Ot de Lomanha, et per sos successors, ab voluntat et assentiment deus
52, 21 avantdeitz en Bernard et en Guiraud Trencaleon, frayres, et li medis
52, 22 frayre per edz et per lurs successors, ab voluntat et auctoritat deudeit
52, 23 procurador deudeit lur payre, d’una part, et l’avantdeit en Pons, senher
52, 24 de Castelhon, et ladeita dona n’Agnes, sa molher, per etz et per lurs
52, 25 successors, ab voluntat et autrey de l’autre, d’autra part, an cassat,
52, 26 revocat et annullat, cassan, revocan et annullan, per aras et per totz
52, 27 temps, ab aquesta present carta todz los combentz et totas las
52, 28 comvenenssas feytas et autreyadas sa en arreyre entre lodeit senhor n’Ot de
52, 29 Lomanha et ab lodeit en Pons de Castelhon sobre los castets, las
52, 30 castelanias, las terras et las rendas et per radon deus medis castetz et castelanias,
52, 31 terras et rendas deusdeits locs aperatz a Lamarcha en Medouc et à La Yla
52, 32 en Arruan de l’ebesquat de Bordales, per ayssi cum las medissas
52, 33 convenenssas eran contengudas en cartas enqueridas sa en arreyre per l’avant
52, 34 deit Pey Arrobert, cartulari de Bordeu, sotz ladata qui s’ensec; actum
52, 35 fuit prima die julii anno domini M° ducentessimo octuagesimo. E an
53, 1 cassat, revocat et anullat, cassan, revocan et anullan ab aquesta present
53, 2 carta totas las avantdeitas cartas feytas de lasdeytas comvenenssas per
53, 3 lodeit P. Arrobert sotz la data desus deita et totas las causas et senglas
53, 4 contengudas en las medissas cartas, ayssi que no ayan ni deyan ni
53, 5 pusquan aver d’assi enant deguna valor o fermetat en degun loc et degun
53, 6 temps.

53, 7 Empero las cartas de las quitanssas enqueridas per min desus nompnat
53, 8 Pey Gombaut, comunau notari de Bordeu, lo jorn de que aquesta present
53, 9 carta et avant que aquesta feytas et autreyadas entre lodeit senhor en
53, 10 Pons de Castelhon, d’una part, et los avantdeitz procurador et filhs deudeit
53, 11 senhor n’Ot de Lomanha, per edz medis et per nome deudeit senhor n’Ot,
53, 12 d’autra part, sobre los avantdeitz o per radon deusdeitz castetz et
53, 13 castelanias et terras et rendas deusdeitz locs de Lamarcha et de La Yla a totas
53, 14 las causas et senglas contengudas en lasmedissas cartas remanentz et
53, 15 estantz perpetuaumentz en lor entegra valor et fermetat perdurabla.

53, 16 E an mandat et promes l’avantdeitz senher en Guiraudz Descatarenxs,
53, 17 en nome et en loc et cum procurayre et atornat deudeit senhor n’Ot et
53, 18 per sos successors ab voluntat et assentiment deusdeitz en Bernard et en
53, 19 Guiraud Trencaleon et limedis frayre per edz et per lurs successors, ab
53, 20 voluntat et auctoritat deudeit procurador que limedis frayre et lodeitz
53, 21 senher n’Otz et lur successor auran et tendran fermas et agradablas et
53, 22 stablas per todz temps aquesta present composition et ordination et totas
53, 23 las causas et senglas en cesta present carta contengudas et encontra no
53, 24 vindran ni faran venir per edz ni per autras perssonas en degun loc, en
53, 25 degun temps, en deguna maneira et que limedis procurayre et fraire
53, 26 faran, procureran et acaberan a lor leyau poder, en bona fe que lodeitz
53, 27 senher n’Otz autreyera, approera, laudera, confermera et ratiffiera ab
53, 28 carta o ab instrument public ab las fermetatz que necessarias y sian et
53, 29 seran totas las causas et senglas en cesta present carta contengudas.

53, 30 E per totas las causas et senglas contengudas en cesta present carta
53, 31 tenir, gardar et cumplir perfeytementz sens encontra venir la una partz a
53, 32 l’autra las avantdeitas an se obligat et obligan la una partz a l’autra, sotz
53, 33 totas renunciations et cautelas so es a ssaber lodeitz senher de Castelhon
53, 34 et ladeita dona sa molher, l’uns ab voluntat et autrey de l’autre, lor
53, 35 et lurs successors et todz lurs bens et de lurs successors presentz et
54, 1 avenidurs et lodeitz senher en Guiraudz Descatarenxs per lo poder a luy dat
54, 2 et autreyat en procuratori desus contengut en nome et en loc et cum
54, 3 procurayre et atornatz deudeit senhor n’Ot, ab voluntat et assentiment
54, 4 deusdeitz en Bernard et en Guiraut Trencaleon, lodeitz senhor n’Otz et
54, 5 sos successors et todz lurs bens presentz et avenidurs et lideit en Bernard
54, 6 et en Guiraut frayre ab voluntat et auctoritat deudeit procurador deudeit
54, 7 lur payre, lor et lurs successors et todz lurs bens presentz et avenidurs.
54, 8 Mandant et prometent, lasmedissas partidas bonamentz et leyaumentz que
54, 9 encontra aquesta avantdeita obligation [...]unknown de las causas en cesta
54, 10 present carta contengudas no vindran ni sasageran venir, ab ginh ni sens
54, 11 ging, per deguns dreitz ni per degunas radons o causas en deguns temps.

54, 12 E es a ssaber que totas aquestas avantdeitas compositions ordinations
54, 13 quitanssas, donations et obligations et totas las causas et senglas en cesta
54, 14 present carte contengudas l’avantdeit en Bernard et en Guiraut Trencaleon,
54, 15 et ladeita dona n’Agnes, lur sor, an feit autreyat et recebut acordamentz
54, 16 ab voluntat autrey auctoritat et consentiment expres de l’avandeit senhor
54, 17 en Guiraut Descatarenxs, cavoir, procurador et atornat deudeit senhor
54, 18 n’Ot de Lomanha, lor payre. Pregant et requerent lasavantdeitas partidas
54, 19 ab aquesta present carta que lo senescaucs de Gascunha qui aras es [...]unknown
54, 20 et todz sos loc tenentz et tot autre jutge qui requerutz n’e sia que it et
54, 21 cadauns d’etz constrenhan et deyan et pusquan constrenher per lur
54, 22 propria auctoritat lasmedissas partidas et cada una d’eras per todz lurs bens
54, 23 et en autra maneyra si necessari es a tenir, gardar et cumplir, sens tot
54, 24 corrumpament, totas et senglas las ordinations, donations, quitanssas,
54, 25 obligations et [...]unknown present carta contengudas de plan et senes tota
54, 26 noysa de pleit o de jutyament, ayssi cum de causa jutyada, conoguda et
54, 27 fermada, en cort et per davant senhor.

54, 28 E sobre so las medissas partidas an ne sotzmes et sotzmeten lor et
54, 29 lurs successors et todz lurs bens expressamentz en la juridiction et
54, 30 destrenssa deudeit senescaut de Gascunha et de tot son loc tenent et de tot
54, 31 autre jutge [...]unknown d’autra fort o d’autra cort.

54, 32 Renunciant lasmedissas partidas et cadauna d’eras quant a totas et
54, 33 senglas las causas en cesta carta contengudas a totas exceptions de for et de
54, 34 cort, de dreits et de feit; a totz dreitz et beneficis de restitution; a totz
54, 35 dreitz escriutz, de leys et de decretz, generaus et speciaus, tazibles et
55, 1 expres; a totas costumas et franquessas; a todz privilegis obtengutz de
55, 2 quanque forma o tenor que sian et de quanque jutge o senhor que sian;
55, 3 et a totas arradons, exceptions et causas que valer o ajudar los pogossan
55, 4 o degossan per venir encontra, en tot o en partida, ensemps o
55, 5 departidaments, en degun cas, en degun temps, en deguna maneyra. Volent et
55, 6 autreyant lasmedissas partidas que totas aquestas renunciations generaus
55, 7 en cascun cas et en cascun articgle contengut en cesta present carta
55, 8 ayan et pusquan aver en todz locs artant de valor et de fermetat cum si
55, 9 fossan o eran renunciations especiaus.

55, 10 Supplicant et requerent plus las avantdeitas partidas et cada una d’eras
55, 11 acordadaments per la tenor d’aquesta present carta, que a maior fermetat
55, 12 et testemoniatge de totas et senglas las causas en cesta carta contengudas
55, 13 lo sagetz de la cort de Gascunha et lo sagetz de nostre senhor lo rey
55, 14 d’Anglaterra, duc de Guiayna, usatz en Bordales eus contreitz et cada uns
55, 15 de lor fossan et sian mes et pausat en cesta present carta, no demandada
55, 16 o requeruda la presentia ni deguna autra voluntat o requesta de las avant
55, 17 deitas partidas o d’aucuna d’eras. Mandan et prometent lasmedissas
55, 18 partidas et cada una d’eras que it et cada uns de lor faran et procureran a
55, 19 lor leyau porder, en bona fe, cum lideit saget et cada uns d’etz sian mes
55, 20 et pausat en la medissa carta. Volent et autreyan lasmedissas partidas et
55, 21 cada una d’eras que losdeitz sagetz o aucun d’etz, mes o no mes,
55, 22 appareyssens o no appareyssens, entegres o no entegres, en ladeita carta, que
55, 23 lamedissa presentz carta et totas los causas et senglas contengudas en era
55, 24 ayan et deyan et pusquan aver en totas et per totas causas, en cort et
55, 25 foras cort, bona, veraya et entegra valor, et fermetat perdurabla, en totz
55, 26 loc et per todz temps.

55, 27 E reconogoren et confediren las avantdeitas partidas que aquesta
55, 28 presentz carta era et es estada feyta et autreiada apres las cartas desus
55, 29 deytas de la composition et quitanssas feytas et autreyadas entre lodeit
55, 30 senhor de Castelhon, d’una part, et l’avantdeit senhor en Guiraud
55, 31 Descatarenxs, procurador per nome deudeit senhor n’Ot de Lomanha et losdeits
55, 32 en Guiraut et en Bernard Trencaleon, d’autra part, deus avantdeits
55, 33 castetz et castelanias, et honors, terras et rendas deus locs desusdeitz.

55, 34 E an mandat et promes las avantdeitas partidas lunz ab voluntat,
55, 35 autrey, consentiment et auctoritat de l’autre et jurat cada uns de lor
56, 1 sobreus sanctz evangeles Deu toquatz corporaumentz, so es a ssaber
56, 2 lodeitz senher de Castelhon et la deita dona sa molher per edz et per lurs
56, 3 successors et losdeitz senher en Guiraud Descatarenxs per lo poder a luy
56, 4 dat eu procuratori desusdeit, en nome et en loc deudeit senhor n’Ot et en
56, 5 l’arma deudeit senhor n’Ot et per sos successors, ab voluntat et
56, 6 consentiment deusdeitz en Bernard et en Guiraud Trencaleon, e limedis frayre
56, 7 acordadaments per edz et per todz lurs successors, ab voluntat et
56, 8 auctoritat deudeit procurador, que tot ayssi cum en cesta present carta es deit,
56, 9 ordenat et contengut ac faran, tendran, garderan et compliran
56, 10 perfeitamentz, sens encontra venir en tot o en partida en degun cas, en degun
56, 11 temps, en deguna maneyra.

56, 12 E d’aso foren feytas, per voluntat et requesta de las deytas partidas
56, 13 tres cartas d’una tenor, la una ad ops deusdeitz senhor n’Ot et sos filhs,
56, 14 et l’autra ad ops de ladeyta n’Agnes et de sos hers, et l’autra ad ops
56, 15 deudeit senhor de Castelhon et de sos hers.

56, 16 Actum fuit quinta die introitus mensis julii, anno domini millesimo
56, 17 ducentesimo nonogesimo secundo. Regnant Phelip, rey de Franssa;
56, 18 Edward, rey regnant en Anglaterra et duc de Guiayna; Henric,
56, 19 arcibesque de Bordeu; n’Arnaud de Gironda, cavoir, maior de Bordeu.

56, 20 Testes sunt: frayre Bertrans de Cabanac, sotzprier; frayre Gaucens de
56, 21 Bloyac, frayre Pey de Lafarga de l’orde deus Predicadors de Bordeu;
56, 22 maiestre Pey de Listrac, calonges de la gleysa de Sent-Seurin de Bordeu;
56, 23 maiestre Ramond Arnaud de Lacama, calonges de Bazatz; maistre
56, 24 Bernard de Vinhas, Armaneus de Marssans, clercs. Li senhor n’Arnaud
56, 25 Ayquem de Podenssac, n’Aramons de Lussac, n’Aramons de Sent Quentin.
56, 26 n’Eudra de Becoyran, cavoir, Ramon Pons, cartolari de Castelhon, Arnaudz
56, 27 d’Aspex, Johans de Lasaya, daudet, n’Andrics Cuc, n’Aramons W. de
56, 28 Marons, Gaucem d’Anguilers de Castelhon et plusor autres, et jo
56, 29 avantdeitz Pey Gombaut, cartolaris de Bordeu qui cesta carta enqueri, laquau
56, 30 Pey de Cyran, cartolaris deu medis loc per voluntat et per comandament
56, 31 demin escrivo et son senhau acostumat y pauset.