391, 17 Conoguda causa sia sic: causia (Field)  que Arnaut Arrobert, de la parropia Sainct-Chrisptaule
391, 18 et borges de Bordeu, par sa bonna boluntat [...]unknown e ab autrey
391, 19 expres de na Maria, sa molher, et de Guillem Arobert, leur filh, et de
391, 20 Ramonda, molher Guillem Arobert, abantdeit, a bendut [...]unknown gurpit, et
391, 21 desenparat per tots temps, au compte et aus confraires de la confrairia
391, 22 tretzena, establida en la gleisa Nostra-Dona, Sancta-Maria de la Plassa, de
391, 23 Bordeu et a lors successors, tot aquet treus de binha ab la terra en que
391, 24 es, ab tots sos appartemens; en quau treus de vinha dissoren que abe VII.
391, 25 sadons et III. areguas de binha [...]unknown la quaus binha es en las grabas de
391, 26 Bordeu, en loc apperat a Maurian, entre la binha en Pey Lambert, filh,
391, 27 sa en arreira de Ruffat Lambert, qui fo, d’una part e la binha en
391, 28 Guillem de Besson Preveire d’autre. Et dura et ten en lonc deu camin
391, 29 communau que es a l’un cap, entro a la binha deudeit en Pey Lambert et a
391, 30 la binha Alais Maurina et a la binhad Ramond de la Sangeiar et a la binha
391, 31 Tridau de Banoas, et a la binha Seguin deu Carrasc, que son a l’autre
391, 32 cap. Et per XXII. l. de la moneda corsabla a Bordeu que reconego que en
392, 1 Pey deu Castanhet, prestre, comps adonc, si cum disso, de la medissa
392, 2 confrairia et deus deners de la medissa confrairia l’en abe dat et pagat en
392, 3 bons deners comptats. E reconogo lo medis Arnaut Arobert que ed no
392, 4 abe feit ne fade aquesta reconaissansa audeit compte d’aquesta
392, 5 d’abantdeita XXII. l. per esperanssa que ed agos que lo medis compte ne autre
392, 6 personne per luy las medissas XXII. l. lo pagues n’en balhes, n’en libres
392, 7 ne autras en pres la data per cesta carta fo feita, mas per ce que
392, 8 reconogo que bertat era et es que ed totas las medissas XXII. l. abe ja agudas
392, 9 et recebudas, en bons deners comptats deu deyt en Pey de Castanhet, et
392, 10 s’en tengo, et s’en ten per ben pagat deu tot, et renunciet a la
392, 11 exception [...]formula omitted etc.

392, 12 Et es a ssaber que a la pregaria, et a la requesta deudeit Arnaut
392, 13 Arobert, et deudeit son filh, et de lasdeitas Maria et Ramonda, lo medis en
392, 14 Pey deu Castanhet, per nome de la medissa confrairia, conoissent et
392, 15 entendents far en asso lo profeit de la medissa confrairia, bailhe et livre
392, 16 a feus aus fors et a las costumas de Bordales la medissa binha, ab la terra
392, 17 en que es, per aissi cum es dents los abantdeits assignaments, audeit
392, 18 Arnaut Arobert. Et lo medis Arobert ne besti, ab II. deners d’esporle a
392, 19 senhor mudant, et per XX. soulds de la moneda corssabla a Bordeu, queus
392, 20 en deu et a promes dar a cascun an de cens, renduts an per an los X.
392, 21 soulds lo dia de Paschas, eus autres X. soulds lo dix de Tots-Sants,
392, 22 portats et renduts, an per an, a l’estau deu compte de ladeita confrairia
392, 23 a Bordeu; et deu exporlar et far dreit a qui medis, si tort lo corelhaban
392, 24 queus fes en feu. Et en aquesta maneyra lo medis comps per la medissa
392, 25 confrairia a l’en mandat et promes estre bons senhor saup los dreitz de la
392, 26 medissa confrairia dessus mentaguts et lors autres debers actaus cum
392, 27 senheu los deu aber en son feu, et sobre son affeuat, aus fors et a las
392, 28 costumas de Bordales, et saup tant queu medis Arnaut Arobert, ne sos
392, 29 ordenhs, en deit feu, en tot ne en partida, ne deu, ne pot metre acazat,
392, 30 ne sotz acazat ab creissenssa de cens ne d’esporle, ne en autra maneira,
392, 31 ne far deuguna autra causa per laquau las senhorias de la medissa
392, 32 confrairia, ne lors vendas ne lors empenhaduras s’en pogossan perdre
392, 33 ne amermar, ne lor autre dreit en tot ne en partida.

392, 34 Actum fuit, XII. die exitus decembris anno domini M°. CC°. nonagesimo
392, 35 quinto. Regnant, Felip, rei de Franssa, Henrie, archibesque de Bordeu,
393, 1 en Guillem de Rabastenas, cavoir, maior. Testes sunt: na Ramon de Gohat,
393, 2 en Guillem Bon, en Pey de Balognas, en Jean de Lalande, en Pey de
393, 3 Casaus Prereires, Duran Mercier, Jehan Martinamat, Arnaut de Lalande de
393, 4 Sent-Chrispteule, et Guilhem de Cantalop qui la carta inquieri, laquau
393, 5 Esteve de Laroque escrivo.