Une Chronique béarnaise inédite du quatorzième siècle: Electronic Edition

Creation of machine readable version: Aureanna Hakenson
Conversion to TEI-conformant markup and verb tagging: Aureanna Hakenson

Source: Courteault, Henri. Une Chronique béarnaise inédite du quatorzième siècle. Mélanges Léonce Couture: Etudes d’histoire méridionale dédiées à la mémoire de Léonce Couture (1832-1902). Toulouse: Privat, 1902. p. 127-135.

analysisverbs

  • Publication consists of one text, a series of historical notes inserted into manuscript D of the Fors de Béarn, just after the usual three-paragraph prologue.

  • No particular editorial problems.

    Explanation of editorial principles

  • Emendations and modifications have been indicated with an underline; a pop-up annotation provides the original reading and the name of the editor responsible for the change.
  • Gaps of various kinds are indicated by [...], and a pop-up annotation furnishes an explanation, where one is available.
  • Passages that are not in Gascon are indicated in blue.
  • Passages whose readings are uncertain are italicized. Strike-throughs in the ms. are presented as such here, and scribal additions (in the margins, for example) are given as italicized text in brackets.
  • Numbers in the left margin indicate page and line numbers in the original publication.
  • To highlight the verbs that occur in the text and to make their analysis visible, click the “ANALYSIS” button.

ChronBearnC.1 (copy), 746 words
Bearn (south) early 14th c.

MS. Paris, BN, NAF, 6657, 15th c.


130, 1 1. Deu casteg d’Espremont.


130, 2 Anno Domini .M.CCC.XII., lo dibees davant la bingle Sent Pee,
130, 3 fo assetiat lo casteg d’Espremont de Peyreforade et liurat au senhor
130, 4 de Bearn, et eg que lo liura au senescauc de Gasconhe.


130, 5 2. Deu comte de Cornoalhe.


130, 6 Item, anno Domini .M.CCC.XII., lo dibees davant la feste de Sent
130, 7 Johan-Baptiste, en Pees de Gaston pergo lo cap a traytion et li fen
130, 8 talhar lo barnadge d’Anglaterre.


131, 1 3. Deu filh de mossen Gaston et de Madone Johane d’Artoys.


131, 2 Item, en l’an de la Incarnation de Nostre Senhor Diu Jhesu Christ
131, 3 .M.III.C.VIII., lo prumer dilus de coaresme, .X. dies en lo mes de feurer,
131, 4 nasco lo filh de moss. Gaston, comte de Foix, et de Madone na Johane
131, 5 d’Artoys, qui fo comte de Foix, vescomte de Bearn, et es lo prumer
131, 6 filh qui egs ayen agut Gaston.


131, 7 4. Rubrica de Guilhem de Foix et de Guilhem de Lobencx.


131, 8 Item, anno Domini .M.CCC.IX., Guilhem de Foix et Guilhem de
131, 9 Lobencx se cutan emposonar mossen lo comte a sson filh et a ssa
131, 10 molher en lo comtat de Foix; et fo penut Guilhem de Foix et Guilhem
132, 1 de Lobencx negat; et eren entramps cosins de en Rodger Bernad,
132, 2 comte de Foix, vescomte de Bearn, marit de madone Margaride,
132, 3 comtesse de Foix et vescomtesse de Bearn.


132, 4 5. Rubrica deu rey de Castelle.


132, 5 Item, en aqueg medix an, lo rey de Castele ana sober Alinarie
132, 6 contre los Moros, et los tengo assetiats ben miey an, puix se lheva
133, 1 deu sieti per diers qui lo rey de Granade lo dona. Et lo rey
133, 2 d’Aragon ana aixi medix contre en Alinarie.


133, 3 6. De la mort de mossen Gaston.


133, 4 Item, anno Domini .M.CCC.XV., lo jorn de Sante Katerine, en la
133, 5 viele de Poyntosa, mossen Gaston, comte de Foix, vescomte de Bearn,
133, 6 mori.


133, 7 7. Deus Templers.


133, 8 Item, anno Domini .M.CCC.VIII., lo dimartz aprop la feste de Sent
133, 9 Pee et de Sent Pau, .LXX. frays deus Templers coffessan totz
133, 10 acordadementz la reneganse de Deu Jhesu Christ, et escopiben en la crotz
133, 11 lo die qui eren vestutz frays; et mes que auguns de lor aven adorat un
133, 12 que disen que aqueg ere lor Diu et lor creator. Et quant negun nobici
133, 13 entrave en l’ordi, egs trayen une corde de queg cap et fasen le sintar
133, 14 sobre la camise; et lo jorn qui entrave en la ordi, baysaven lo maeste
133, 15 en lo esbonilh et puix en lo cap de l’esquine jusaa, et apres en la
134, 1 boque, et mes que los mandave hom que si peccar volen, que
134, 2 peccassen ab lo fray, no pas ab nulhe femne. Asso coffessan en lo consistori
134, 3 generau per davant lo pape et los cardenaus et las autres gens qui
134, 4 audir ac volen, domandan empero pardon et misericordi, cum a bons
134, 5 chrestians et catholicxs.


134, 6 8. Deu rey de Franse.


134, 7 Item, enapres, lo rey de Franse requeri lo pape que, cum eg
134, 8 volosse far cosselh generau, que eg lo requerive que lo fes en son
134, 9 regne, et que aqui fos dade la sentencie deus Templers et que lo coos
134, 10 de pape Celestin fosse relevat coos sant (et fo aqueg lo pape a cuy
134, 11 hom fe renunciar per engan), et mes que lo plagos que fes enqueste
134, 12 sober lo pape Boneffaci, car trobara per bons testimonis que eg ere
134, 13 heredge; et mes lo requeri que absolvos en Guilhem de Nogareg,
134, 14 cavaler, qui aucigo pape Boneffaci.


134, 15 9. Deus medix Templers.


134, 16 Item, en aqueg temps, ave .LXXX. antz que los Templers eren
134, 17 entratz en la error a Chipre, et meto los y lo maeste deu Temple, qui
134, 18 fo filh de Mora e de chrestian.


135, 1 10. Quant lo rey de France prenco la crotz.


135, 2 Item, anno Domini .M.III.C.XVIII., lo dibees davant la sante Marie
135, 3 Magdalena, prenco la crotz lo rey de France per passar en sante terre
135, 4 d’Otremar deu prumer martz en dus antz.


135, 5 11. De carestia et de fort temps.


135, 6 Item, anno Domini .M.III.C.XII., fo mau temps; vale froment de
135, 7 Bayone et de Bretanha .XXV. soos de boos Parasiis l’arraser, et torna
135, 8 a .VII. et .VIII. soos en garbe.


135, 9 12. De eodem.


135, 10 Item, anno Domini .M.III.C.XXXI. se beno l’arraser de froment en
135, 11 Bearn a .XXIIII.te. soos de boos Bordalees; et puix ni bienco atant de
135, 12 Bayone et de Bretanhe, que a garbe torna a .x. soos, et este ad aqueg
135, 13 pretz a .X. antz darrer et a .VIII. et a .IX. soos bordalees.