69, 4 Una spina cruzel
69, 5 Dedens mon cor demora,
69, 6 Plus amara que fel,
69, 7 Qui neyt e iorn m’acora,
69, 8 Don fem languir
69, 9 He esbayr
69, 10 Per sa punctura.

69, 11 Lo broc quim fe languir,
69, 12 So es lo iutyament,
69, 13 Au qual ey comparir
69, 14 Sens nulh defalhiment,
69, 15 Don mot sospir
69, 16 Me fe sofrir
69, 17 Quant mi recorda.

69, 18 De tot mon estament
69, 19 Aure io redre conte,
69, 20 En aquel iutyament,
69, 21 Ho syay rey o conte,
69, 22 Au rey tres gran,
69, 23 Diu sobiran,
69, 24 Vertader iutge.

69, 25 Iorn sera de iusticia
69, 26 He plen de gran furor.
69, 27 O iorn de gran tristicia
69, 28 He plen de gran dolor!
69, 29 Tot hom maubat
69, 30 Sera dampnat
69, 31 Sens plus remedi.

69, 32 Tot home peccador
69, 33 Deu aver gran temensa
70, 1 De quet iorn de tristor,
70, 2 He deu sa consciensa
70, 3 Ben espurgar
70, 4 He Dius pregar
70, 5 Que lo perdone.

70, 6 Exemple nos donec
70, 7 David gran peccador,
70, 8 Car a Dius demandec
70, 9 Merce, fasen gran plor,
70, 10 Set saumps disen
70, 11 Devotamen,
70, 12 Los qui s’en seguen.

70, 14 Domine ne .j.

70, 15 Ihesus, mon Diu he mon desir,
70, 16 Assi me volhas corregir,
70, 17 No pas lo iorn de iutyament
70, 18 Lo qual faras yradamen.

70, 19 Ihesus, mon sen he ma rason
70, 20 Passan granda turbation;
70, 21 So es car io t’ey offendut;
70, 22 Per ta merce, donam salut.

70, 23 Ihesus, a ma infirmitat
70, 24 Donar tu podes sanitat;
70, 25 Prec te donc sens plus demorar
70, 26 Volhas me garir e sanar.

70, 27 Ihesus, volhas me convertir
70, 28 De mos peccatz he fer salhir;
70, 29 Mon anima volhas salvar,
70, 30 Per ta merce, no pas dampnar.

70, 31 Ihesus, degun, can mort sera,
70, 32 Convertir no se podera,
71, 1 Ni fer penitensa plasent,
71, 2 Quan vendra en ton iutyament.

71, 3 Ihesus, per so io volh purgar
71, 4 Ma consciensa he lavar,
71, 5 Fasen gran plor he gemiment
71, 6 Estan en la vita present.

71, 7 Ihesus, io sonc envelhesit
71, 8 Per mos peccats don ey falhit;
71, 9 Turbat es mon entendemen,
71, 10 Car ey venir au iutyament.

71, 11 Ihesus, Sathan he Belyal
71, 12 M’an donat conselh de fe mal.
71, 13 Preg te, fe los de my fugir
71, 14 He mon plor volhas exausir.

71, 15 Ihesus, mot grans defalhimens
71, 16 Ey cometutz verayamens;
71, 17 Preg te me syan remetutz
71, 18 He garnes me de tas virtutz.

71, 19 Ihesus, volhas illuminar
71, 20 Los peccadors he enclinar
71, 21 Per se convertir soptament,
71, 22 Dabant vengan au yutyamen.

71, 24 Beati quorum

71, 25 Ihesus, baptisme ordenes
71, 26 Au qual tu gran virtut dones,
71, 27 Car tot peccat es remetut
71, 28 Lo iorn que hom l’a recebut.

71, 29 Ihesus, aquetz son ben huratz
71, 30 Qui seran estatz baptizatz,
71, 31 Mas que se garden de peccar
71, 32 Ho que se volhan confessar.

71, 33 Ihesus, per so io ey peccat
72, 1 Car ben fasen me sonc vantat;
72, 2 Mos peccatz no ey conegut
72, 3 Ne confessatz per ma salut.

72, 4 Ihesus, io t’ey mes en oblit,
72, 5 Car eus peccatz me sonc dormit,
72, 6 He tu m’as batut asprament,
72, 7 Per me dona recordament.

72, 8 Ihesus, per so quan m’as batut,
72, 9 Mos peccatz io ey conegut,
72, 10 Los quals voli denunciar
72, 11 Devotament he confessar.

72, 12 Ihesus, io ey deliberat
72, 13 No plus demorar en peccat
72, 14 Penitensa voli portar,
72, 15 Per que me volhas perdonar.

72, 16 Ihesus, tot sant o peccador
72, 17 Te deu pregar ab gran dolor
72, 18 Merce lo temps expedient,
72, 19 So es en la vita present.

72, 20 Ihesus, los qui auran pardon
72, 21 De tu, estan en aquest mon,
72, 22 Seguramens poyran venir
72, 23 Au iutyament he comparir.

72, 24 Ihesus, tu has auctoritat
72, 25 De remete cascun peccat:
72, 26 Preg te volhas me perdonar
72, 27 He gardam de no plus peccar.

72, 28 Ihesus, a totz los penitens
72, 29 Tu as promes seguramens
72, 30 De los ensenhar los camys
72, 31 Per venir en ton paradys.

72, 32 Ihesus, tals camys has mostrat
72, 33 Quascun fugisque tot peccat,
72, 34 Ho que se volha corregir
72, 35 Humilment he plus no falhir.

72, 36 Ihesus, los qui nos corregiran
73, 1 Per tu greument punitz seran
73, 2 De fams, guerras, oppressions,
73, 3 Malautias, vexassions.

73, 4 Ihesus, major mau los daras
73, 5 Quan lo iutyament tu faras:
73, 6 En infern totz seran botatz
73, 7 Hon tostemps seran turmentatz.

73, 8 Ihesus, qui se corregiran
73, 9 He merce te demandaran
73, 10 Poden estar alegrament,
73, 11 Car tu los daras saubament.

73, 12 Saum XXXVII

73, 13 Domine ne in furore .ij.

73, 14 Ihesus, tu qui es mon desir,
73, 15 Preg te volhas me corregir
73, 16 Segon ta merce dossamen,
73, 17 He nom dampnes yradamen.

73, 18 Ihesus, grandas afflictios
73, 19 Passi he greus punicios
73, 20 Deu cos he de mon esperit,
73, 21 Car contra tu io ey falhit.

73, 22 Ihesus, ne ma carn ne mos os
73, 23 Non han sanetat en mon cos;
73, 24 Totz mos esperitz son flaquatz
73, 25 Per causa de mos grans peccatz.

73, 26 Ihesus, mon arma vexament
73, 27 Passa he mot gran turbament;
73, 28 Be sonc en grans penalitatz,
73, 29 Per mas grandas iniquitatz.

73, 30 Ihesus, deus peccatz gariment
73, 31 Agu en mon baptizament;
73, 32 Puys ey grans vicis cometut
73, 33 Dont sonc pudent he corrumput.

74, 1 Ihesus, car io non ey servat
74, 2 Tos mandamens tu m’as curvat;
74, 3 Sens dolor sens affligiment
74, 4 No serey en vita present.

74, 5 Ihesus, grandas illusions
74, 6 Passi he grans temptacions,
74, 7 Neyt he iorn per mos enemicx,
74, 8 Los diables vilhs he anticx.

74, 9 Ihesus, ma carn, mon esperit
74, 10 Per mos mals tu has affligit;
74, 11 Mon cor plora fort he gemis,
74, 12 Desiran lo ton paradys.

74, 13 Ihesus, ab lo ton gran regart
74, 14 Tu beses en cascuna part;
74, 15 Mon desir ves he gemiment,
74, 16 Lo qual es que volh salvament.

74, 17 Ihesus, mon cor es ben turbat,
74, 18 Car per mon deshonest ey peccat
74, 19 Lutz e virtut me defalhis,
74, 20 Per venir hen ton paradis.

74, 21 Ihesus, per que lum io agos,
74, 22 A mort crusel morir volgos;
74, 23 Los Iusyus don tu es salhit
74, 24 Ligueren te puys t’an ferit.

74, 25 Ihesus, temensa de morir
74, 26 Tos apostols fec totz fugir;
74, 27 Grans obprobris, escarnimens
74, 28 Tu sofris en totz sentimens.

74, 29 Ihesus, quan fos lyurat a mort,
74, 30 Faus testimonis fon d’acort;
74, 31 Iniustamens fos iudicat
74, 32 He sens causa crucificat.

74, 33 Ihesus, per ta granda virtut
74, 34 Lavetz tu fos cum sort he mut,
74, 35 Car sofris pacientamens
74, 36 Totz obprobris he totz turmens.

75, 1 Ihesus, cum fossas filh de Diu,
75, 2 Home te monstres ben humiu;
75, 3 Cum l’anhel sofris passion
75, 4 Senz fer nulha rebellion.

75, 5 Ihesus mon Diu he mon sorelh,
75, 6 Ma ’speransa he mon conselh,
75, 7 Preg te volhas me exausir,
75, 8 Pus que has tant volut sofrir.

75, 9 Ihesus, mos vicis he peccatz
75, 10 Preg te me syan perdonatz;
75, 11 De mi nos puscan alegrar
75, 12 Mos enemicx ne s’en trufar.

75, 13 Ihesus, cum te sera plasent,
75, 14 Volh sustenir flagellament.
75, 15 De mos peccatz ey gran dolor
75, 16 Per so que soy gran peccador.

75, 17 Ihesus, io volh denunciar
75, 18 Mos peccatz he los confessar;
75, 19 Deus vicis me volh corregir
75, 20 He hobras de virtutz complir.

75, 21 Ihesus, vius son mos enemicx,
75, 22 La carn, los demonis anticx,
75, 23 He lo mon qui me fen peccar
75, 24 Neyt e iorn quasi sens cessar.

75, 25 Ihesus, apres confession
75, 26 Etz me donan temptation;
75, 27 Fen me leyssar virtutz plasens
75, 28 He tornar aus vicis pudens.

75, 29 Ihesus, mon Diu he mon Senhor,
75, 30 Mos enemicx han gran valor:
75, 31 De my not volhas espartir
75, 32 Per que los poscay resestir.

75, 33 Ihesus, mon Diu he ma salut,
75, 34 Mon senhor qui m’as redemut,
75, 35 Dam secors he aiudament
75, 36 Per venir en ton saubament.

76, 2 Miserere

76, 3 Ihesus mon Diu he salvador,
76, 4 Io soy gran he vilh peccador;
76, 5 Preg te volhas me perdonar
76, 6 Per ta merce, no pas dampnar.

76, 7 Ihesus, tu has donat perdon
76, 8 Aus qui sos peccatz conegon:
76, 9 Prec te donc per ta pietat
76, 10 Perdones ma iniquitat.

76, 11 Ihesus, peccat ey doblament
76, 12 Per obra he consentiment;
76, 13 Prec te volhas me tu lavar
76, 14 De tot peccat he neteyar.

76, 15 Ihesus, ma gran iniquitat
76, 16 Io coneg he mon gran peccat;
76, 17 Desplatz me quar l’ey cometut,
76, 18 Preg te volhas me dar salut.

76, 19 Ihesus, en ton regardament
76, 20 peccat eydeshonestament;
76, 21 Preg te volhas me perdonar
76, 22 Cum tu has feyt prophetizar.

76, 23 Ihesus, quan io fu engendrat
76, 24 Encontinent fu en peccat,
76, 25 Puys fy peccat actualment;
76, 26 Preg te, donam perdonament.

76, 27 Ihesus, mon Diu he mon Senhor,
76, 28 Tu as bertat en gran amor;
76, 29 Preg te quem dones donc salut
76, 30 Ayssi cum tu has prometut.

76, 31 Ihesus, per mon defalhiment
76, 32 Jo soy meset, vilh he pudent;
76, 33 Lavar me volhas en ton sanc,
76, 34 He tornare plus que neu blanc.

77, 1 Ihesus, mos genols enclinatz,
77, 2 Preg te remetas mos peccatz;
77, 3 Puys estare ioyosament,
77, 4 Demoran lo ton iutyamen.

77, 5 Ihesus, no volhas regardar
77, 6 Mos peccatz ne los recordar;
77, 7 Preg te syan totz desfassatz,
77, 8 He totas mas iniquitatz.

77, 9 Ihesus, volhas novelament
77, 10 Mon cor fe nete he plasent,
77, 11 He mon sperit dreturer,
77, 12 Que tu syas son desyrer.

77, 13 Ihesus, deu gracios regart
77, 14 De ton visatge donam part;
77, 15 En aquest mon syay complit
77, 16 Deus doos de ton sant sperit.

77, 17 Ihesus, peccan io ey perdut
77, 18 Lo gran plaser de ta salut;
77, 19 Preg te volhas lom retornar
77, 20 He gardam plus de no peccar.

77, 21 Ihesus, quan serey perdonat,
77, 22 Aus peccados sera donat
77, 23 Exemple de se convertir
77, 24 He tos commandamens complir.

77, 25 Ihesus, mon Diu he ma salut,
77, 26 Pennas d’infern ey encorrut;
77, 27 Preg te que m’en volhas gardar
77, 28 Affin que iot posquay lausar.

77, 29 Ihesus, per mos defalhimens
77, 30 Totz son barratz mos sentimens;
77, 31 Obre los per ta gran dossor
77, 32 He disere ta gran lausor.

77, 33 Ihesus, los anticx sacramens
77, 34 Haras no te son plus plasens;
77, 35 Plus perfeytz los has ordenatz,
77, 36 Per nos purgar de totz peccatz.

78, 1 Ihesus, a tu es mot plasent
78, 2 Lo cor contrit he penitent;
78, 3 Prec te sya donc acceptat
78, 4 Mon cor per sa humilitat.

78, 5 Ihesus, volhas benignamens
78, 6 Tractar he graciosamens
78, 7 Totz peccados he perdonar
78, 8 He puys ton paradys donar.

78, 9 Ihesus, quan nos ab tu seram,
78, 10 Perfeytamens te lausaram,
78, 11 Sens defenir eternalmens,
78, 12 De lausors quet seran plasens.

78, 14 Domine exaudi .j.

78, 15 Ihesus, fasen mot gran sospir,
78, 16 Preg te que volhas exausir
78, 17 Mas devotas oratios,
78, 18 Clamors he supplicatios.

78, 19 Ihesus, Preg te io de present,
78, 20 Ab cor humil he penitent,
78, 21 Ver my tu vires ton regart,
78, 22 De ta merce fasen me part.

78, 23 Ihesus, tot iorn sonc tribulat,
78, 24 Mas so es per mon gran peccat;
78, 25 Preg te volhas me consolar
78, 26 Soptamens sens trop demorar.

78, 27 Ihesus, trist es mon esperit
78, 28 Car contra tu io ey falhit;
78, 29 Morir me falh soptosament
78, 30 He venir en ton iutyament.

78, 31 Ihesus, mon cor es sens virtut,
78, 32 Cum es lo fen quan es rumput,
78, 33 So es per mos defalhimens
79, 1 Romput ey tos comandamens.

79, 2 Ihesus, lo dyable perdut
79, 3 Mos sentimens ha decebut,
79, 4 He ma rason ha consentit
79, 5 Aus sentimens don ey falhit.

79, 6 Ihesus, per ta amor sobiran,
79, 7 Feyt has cum fe lo pellican
79, 8 Ton costat precios traucar,
79, 9 Per nos autres beneficar.

79, 10 Ihesus, tres iorns tu has dormit
79, 11 Cum niticorax sepelit;
79, 12 Apres lo passer tu sembles
79, 13 Car valentmens resuscites.

79, 14 Ihesus, mot granda passion,
79, 15 Derrisimens, turbacion,
79, 16 Obprobris he escarnimens
79, 17 Tu sofris per mos falhimens.

79, 18 Ihesus, pan de penalitat
79, 19 Ad dolor per mi has minyat,
79, 20 Begut potatge fort amar;
79, 21 Preg te volhas me perdonar.

79, 22 Ihesus, tu es mon creator,
79, 23 En apres fos mon salvador;
79, 24 Puys tant’ honor me as dunat,
79, 25 Preg te que no siay dampnat.

79, 26 Ihesus, per so quan ey falhit,
79, 27 Lo meu temps tantos es complit,
79, 28 Mos iorns passan leugeramens,
79, 29 Cum fen la umbra he los vens.

79, 30 Ihesus, tu no has mudament,
79, 31 Ans demoras eternalment;
79, 32 Totas causas ve ton ulh gran
79, 33 Estadas que son he vendran.

79, 34 Ihesus, merce tu has agut
79, 35 De nos, quan a tu a plagut,
79, 36 He te demostres en Syon,
80, 1 Sus las mas de sent Symeon.

80, 2 Ihesus, primer fes predicar
80, 3 Tos apostols he explicar
80, 4 Aus Iusyus ton adveniment,
80, 5 Per los menar a salvament.

80, 6 Ihesus, apres etz convertin
80, 7 Los gentils, mot poble mesquin;
80, 8 Reys he grans senhors an doptat
80, 9 Ton nom sant he ta podestat.

80, 10 Ihesus, tu fes lo firmament
80, 11 De nostra fe he bastiment
80, 12 En Syon, la on prediques
80, 13 He grans miracles demonstres.

80, 14 Ihesus, ab gran humilitat
80, 15 Los anticx pays t’an supplicat
80, 16 En lo mon volossas venir,
80, 17 He tu as complit lor desir.

80, 18 Ihesus, lo gran reparament
80, 19 Que has feyt he consolament
80, 20 Scriure se deu he nunciar
80, 21 A totz, per te remerciar.

80, 22 Ihesus, per ta benignitat,
80, 23 Prees has nostra humanitat,
80, 24 He cum fossas Dius eternal,
80, 25 Es de feyt home temporal.

80, 26 Ihesus, tu per so t’encarnes
80, 27 Per nos delyurar presones;
80, 28 Tot hom era pres he estacat,
80, 29 Per causa deu primer peccat.

80, 30 Ihesus, aquest misteri gran
80, 31 Que tu fes he tan sobiran
80, 32 Tu bos que sya predicat,
80, 33 He lo ton nom glorificat.

80, 34 Ihesus, reys he pobles petitz,
80, 35 Tu vos que totz syan unitz
81, 1 En ta fe he tos sacramens
81, 2 He te servescan sanctamens.

81, 3 Ihesus, perfeyta es ta ley
81, 4 En la qual fermamens io crey,
81, 5 He durara sens aver fin
81, 6 Entro que sera seglefin.

81, 7 Ihesus, fem viure iustamens
81, 8 He tenir tos comandamens,
81, 9 En mos petitz iorns temporals
81, 10 Per venir eus tos eternals.

81, 11 Ihesus, primer tu as creat
81, 12 La terra, la qual es debat;
81, 13 Los ceus crees parelhament
81, 14 He tot quant es verayament.

81, 15 Ihesus, quan lo mon desfaras,
81, 16 Los ceus qui son tu mudaras;
81, 17 Plus no faran lor movement
81, 18 Apres lo iorn deu iutyament.

81, 19 Ihesus, lavetz mudatz seran
81, 20 Totz helemens he cessaran;
81, 21 Tu duraras sen feniment,
81, 22 Car tu es Dius eternalment.

81, 23 Ihesus, los crestians fiseus
81, 24 Habitaran ab tu eus ceus,
81, 25 Apres la vita temporau,
81, 26 En ton paradis eternau.

81, 28 De Profundis

81, 29 Ihesus, en grans profunditatz
81, 30 Sonc de mos vicis he peccatz
81, 31 Preg te, mon Diu he mon Senhor,
81, 32 Volhas exausir ma clamor.

81, 33 Ihesus, ab lo ton ausiment
82, 1 Pietados he ben clement,
82, 2 Auyas ma deprecation,
82, 3 Feyta dab gran devocion.

82, 4 Ihesus, mon Diu he mon Senhor,
82, 5 Si tu voles ab gran rigor
82, 6 Totas iniquitatz punir,
82, 7 Degun no poyre sostenir.

82, 8 Ihesus, en tu es tot poder
82, 9 De perdonar he lo voler,
82, 10 Car ta ley nos ditz claramens
82, 11 Merce auras deus penitens.

82, 12 Ihesus, car tu as prometut
82, 13 Aus penitens donar salut,
82, 14 Mon arma he mon sperit
82, 15 Confisan en so que has dit.

82, 16 Ihesus, despuys lo nascement
82, 17 Fins a la mort verayament
82, 18 Vos que en tu nos confisem
82, 19 He merce nos te demandem.

82, 20 Ihesus, de totz maus he perils
82, 21 Tu podes delyurar tos filhs,
82, 22 Car tu as habundosament
82, 23 Merce per donar salvament.

82, 24 Ihesus, misericordios
82, 25 Tu seras de totz peccados
82, 26 Que son vertades penitens;
82, 27 Perdonam mos defalhimens.

82, 29 Domine exaudi .ij.

82, 30 Ihesus, pietadosament
82, 31 Ausir me volhas de present
82, 32 He perdonar ab gran dossor,
82, 33 No pas punir segon rigor.

83, 1 Ihesus, non volhas playdeyar
83, 2 Encontra my ne disputar,
83, 3 Car io confessi clarament
83, 4 Haver peccat vylanament.

83, 5 Ihesus, contra tu ey falhit,
83, 6 Lo diable m’a perseguit
83, 7 He feyt amar bees terrenaus
83, 8 He leyssar los celestiaus.

83, 9 Ihesus, en las obscuritatz
83, 10 De totz vicis he de peccatz
83, 11 M’a collocat he sepelit;
83, 12 Lo cor n’ey trist he l’esperit.

83, 13 Ihesus, quan ey recordament
83, 14 De so que fes antiquament
83, 15 Contra los peccados passatz,
83, 16 Mos sentiments io ey turbatz.

83, 17 Ihesus, de paor soy rumput,
83, 18 Cum terra quan no ha plagut;
83, 19 Las mas expandi humilment
83, 20 A tu quem dones salvament.

83, 21 Ihesus, quasi m’es defalhit
83, 22 De gran paor mon esperit;
83, 23 Preg te, mon Din he mon desir,
83, 24 Tantos me volhas exausir.

83, 25 Ihesus, lo ton visatge clar
83, 26 Contra my no volhas virar,
83, 27 Ayas merce de mos peccatz,
83, 28 No ressembli los desperatz.

83, 29 Ihesus, perdonam soptamens
83, 30 Mes vils peccats he falhimens;
83, 31 Ma ’speransa he ma salut
83, 32 Tu es, car tu m’as redemut.

83, 33 Ihesus, monstra me los camis
83, 34 Per venir en ton paradis;
83, 35 Ver tu levi mon esperit,
83, 36 Donam pardon, car ey falhit.

84, 1 Ihesus, volhas me deliurar
84, 2 Deus enemicx he defensar;
84, 3 Cum syas mon Dius de vertat,
84, 4 Monstram complir ta voluntat.

84, 5 Ihesus, volhas me fe regir
84, 6 Au bon esperit sens falhir;
84, 7 La mort d’infern io ey dessus,
84, 8 Fem viure per ton nom, Ihesus.

84, 9 Ihesus, volhas me consolar
84, 10 Per ta merce he delyurar,
84, 11 He fe mos enemics fugir,
84, 12 Nom fassam per tos temps perir.

84, 13 Ihesus, tu es mon salvador
84, 14 He yo ton humil servidor;
84, 15 Preg tu volhas me donc salvar
84, 16 He mos enemicx descipar.

84, 17 O Vergis plena de dossor,
84, 18 Mayre de nostre salvador,
84, 19 Vostre car filh volhas pregar
84, 20 Ihesus quens volha perdonar.

84, 21 O sancs he sanctas, de present
84, 22 Pregui vos totz devotament
84, 23 Ihesu Crist volhatz totz pregar
84, 24 Que totz nos volha perdonar.

84, 25 Oratio Manasse

84, 26 O Payre, Filh, Sant Sperit, tres personas .j. dius eternal,
84, 27 inmortal, senhor tot poderos, plen de misericordia. Tu
84, 28 Senhor, per la tua gran bontat, ordenes penitencia per los
84, 29 peccados, no pas per los sancs homes cum son Abraham, Ysaac
84, 30 he Iacob qui no han contra tu peccat en deguna maneyra. Tu
84, 31 Senhor, per la tua gran misericordia, feyt has permission de
85, 1 donar perdon, salut, remission a totz peccados qui
85, 2 penitencia fer voleran, he ha lor fin paradis on es la tua gloria.
85, 3 Tu, Senhor, per my has donc ordenat penitencia, que sonc
85, 4 vilh peccador he sus totz plus abhominable, car mos peccatz
85, 5 sobermontan lo nombre de las arenas que son en la mar, per
85, 6 los quaus no sonc digne veser ne regardar lo ceu ne las
85, 7 estelas. Senhor, mos grans vicis me tenen ligat, greumens
85, 8 premut et estaquat, he de lor no podi salhir ne estre delyurat
85, 9 sens de ton adjutori. Senhor, a causa de mos grans peccatz io
85, 10 ey encorrut la tua yra he ta endignation, he sonc digne de
85, 11 dampnacion ; per so, mos genols enclinatz, monstran
85, 12 humilitat, recorry a la tua gran bontat, cridan
85, 13 misericordia. Senhor, contra tu ey peccat, Senhor, contra tu ey falhit,
85, 14 Senhor io coneg mon peccat, preg te donc no siay dampnat,
85, 15 ab los dampnatz ne collocat, qui son dejus la terra. Senhor,
85, 16 no sonc pas digne de haber ton paradis, per causa de mos
85, 17 grans peccatz; mas preg te volhas me salvar, segon ta gran
85, 18 bontat, per ta misericordia; he io lausare lo ton sanct nom en
85, 19 la vita present, he apres ab los angels qui te lausan
85, 20 devotament in secula seculorum. Amen.