303, 26 Conegude cause sie a tots a qui aquestas lettres veyran ne auziran, que
303, 27 nos Amaneu de Lebred avem reconegud que nos tiem lo casted de
303, 28 Bazads, et tota la honor d’en Gaston de Bearn, per nomy del vescomtat de
304, 1 Gavarred, et en la mesiche honor del casted de Bazads avem reconegud,
304, 2 qui es lo castet de Casenave, et de questes davantdites causes son sos
304, 3 caver et sos hom, ab une lance d’esporle quy l’en devem pagar a senhor
304, 4 mudant. Els sobre ditzs castets livrar a la persona en Gasto, una betz en
304, 5 tot sa vita, et ed deu nos aqui medix rendre, ses tot damnadge, quels
304, 6 castets nels apartenementz no ayen pres, ne recebut; et l’avant dit en Gasto
304, 7 deu nos emparar et defendre et garentir de totz homes et de totes
304, 8 senhories qui ren demandassen als avant dits castets, ni en las persensies, qui
304, 9 dels davant ditz castels mouen, ni son per fons d’aloo, ni per augun
304, 10 dretadge, ni per nulla senhoria, et en tota cort on nos l’an agossem obs, deu
304, 11 n’en portar bona et ferma garentia de tots homs a sa mession, et n’en deu
304, 12 far pendre dret a tots demanedors davant sa persona. Et si nuls hom en
304, 13 aquestas causes sobredittes a nos Ameneu de Lebred re demandava sic: redemandava (Field)   lo sobre
304, 14 dits en Gasto nos es tenguts d’ajudar a nos et de valer, et als nostres, per
304, 15 engalhere forme, et de pleit et de guerra, a sa mession, can de nos
304, 16 semoids. Et a recognegud lo sobre dits en Gastos de sa propie agradable
304, 17 voluntad, que eg no deu damandar a nos ne als nostres lo castel de
304, 18 Bazads, n’el de Casenava, per nomy de nulha seihoria ni de nuld dretadge,
304, 19 eg ne sui hered, si donch no a faze que hom lo fes tan tort conegud de
304, 20 que hom vel no los dret far, ne dret pendre, empero si home lo faze aquest
304, 21 tort sobredit, nos sem tengutz de redre los casteds per ayudar d’aquere
304, 22 guerra, et eg a nos fenida la guerra, com qu’es, fos patz o treube, deu nos
304, 23 redre a qui meihs au nostre semoniment, auta bos et auta freus cum eren
304, 24 can nos los y livrem deus tres cints deus baratz en entz. Et aso sobre dit,
304, 25 lo sobre dict en Gastos ha autreyad et jurad sobre Sents, tocan los sents
304, 26 Evangelis corporaument; et que aisi nos ac tiera bonement, et leyaument
304, 27 cum de sobre es dit, et qui no i viera encontre per nulha raiso ne per nulh
304, 28 dret, qui y pogos estre pauzads ne assignadz.

304, 29 Et per maior fermetat, et que aya valor de si en outre, en Gastos an
304, 30 dada nos Amaneu de Lebred carta pendent partida per a. b. c. sagerade
304, 31 am lo so saged et am lo nostre. Testimonis son de aqueste cause en
304, 32 W. Ferriol, en Ar. Segurdista, et en W. Ar. de Coutelon, en Fortaner de
304, 33 Casanava et molt d’autres.

304, 34 Asso fo feit a Rimbes en la vigilia de la Assumptio de Nostre Done,
304, 35 anno Domini millesimo ducentesimo quinquagesimo. Ego dictus notarius
305, 1 ad requisitionem domini Gastonis factam mihi coram venerabili abbate
305, 2 Lucen., et coram Arnaldo Guillelmi de Stritonio ejus notario, prœmissas
305, 3 litteras in formam publicam redegi conficiens super hoc, præsens hoc
305, 4 publicum instrumentum, cui in veritatis testimonium apposui meum signum.

305, 5 Actum Orthesii, die martis infra octavas beati Joannis Baptistæ, anno
305, 6 Domini millesimo ducentesimo septuagesimo quarto.