377, 8 Coneguda causa sia qu’el senhor Bernard de Segur, cauoers de
377, 9 Puynorman, de sa bona et agradabla boluntat, no forsats ni constreits [...]inconnu certans
377, 10 de son fait plenerament et instruyt, en la presencia de Jacme Picart,
377, 11 notari de Vilafranca, et dels testimonis plus bas escriuts, ad asso appelatz
377, 12 especialment et pregatz, a emancipat Bernart de Segur son filh et de la
377, 13 dona na Marquesa sa molher ; et delligans de pairenal poder et l’a fait
377, 14 establir de sa propria, franca, sola, et dominia condition, et l’a donat et
377, 15 luy deit plener poder et especial mandement d’estar a dreit et en
377, 16 jutgement en tota court et deuant totz petges et cade jutge ecclesiastec et
377, 17 seglar, de demandar et de deffendre sos dretz, de bendre et de comprar,
377, 18 de donar, de distraire et d’alienar de sos bes segont que lo dit Bernard
377, 19 conoistra que obs luy sera, et deu far tota autra maneyra de contratement
377, 20 que certans et bertaders senhors d’ostal et paires de maynada pot ni deu
377, 21 far ni requer especial mandement ; et a donat et autreiat et dona et autreia
377, 22 al dit Bernard, son filh, et a ses hers et a son orden en pura, certana et
377, 23 bertadeira donation facta am solempna stipulacion simplement entra los
377, 24 bious, non fincta, ni cuberta, ni reuocadeira en degun temps, per deguna
377, 25 desagradabletat, tot lo dreituratge, la proprietat, la senhoria, l’action et
377, 26 lo deuer que et auer ni auer deue ni auer pode per qualque dreit ni per
377, 27 qualque raizon en lo castet et en la honor de Puynorman, sian terras, binhas,
377, 28 prat, maysons, cazal, boscs, landas, oblias, homeijas, quint, esporle,
377, 29 mosnat, molin, aygals, estanc, estancal, o autras causas qualque sian, ni
377, 30 per qualque nom puscan esser apelat o entendut per clerc o per laic. Et
377, 31 l’en a fait certan et bertader senhor et establit son certan et bertader
377, 32 hereter sic: pereter (Field)   in integre, et l’en a mis en bera et corporal possession de dit et
377, 33 de fait amb aquesta et facta cession del tot, et que a promis et conbengut,
377, 34 sos obligation de totz sos bes mobles et non mobles presens et auenidors,
377, 35 et jurat sober S. Euangelis Deu, corporalement tocat lo libre [...]inconnu.
377, 36 Retengut tant solament al dit caouer los usufructs dels predicts bes a sa
378, 1 simple bita, sines que non deu aucun dels predictz bes bendre ni engatgear
378, 2 ni alienar ses boluntant ni ses consentement del dit Bernard son filh.

378, 3 Loquau renuncie et a renuntiat en aquest fait en bertut del predit
378, 4 sagrement a tota ayuda de dreit canon et ciuil escriut et non escriut,
378, 5 promulgat et a promulgar, fait et a far, et a tota exception, deception de
378, 6 fraude, de bauzia et d’engan, et a tot priuilegi de crots priza et a prendre,
378, 7 et al dreit qui di que donations, sobremyans la balor de cinqcens deners
378, 8 d’aur, pot esser reuocada per immensitat, si non era faita amb insinuation
378, 9 de prinpce [...]inconnu

378, 10 [...]inconnuLaqual predict donation, lo susdit caouers a faita et fay al dit
378, 11 Bernat de Segur son filh et a sos hers, et a son orden, salbas las
378, 12 senhorias et los dreitz dels senhors de qui lo predit be movent als fors et a las
378, 13 costumas de Bordaleis, als quals predicts senhors et a cadun desquals
378, 14 predicts senhors, especialment al noble et onorable baron al senhor en
378, 15 Alexandre de La Pebrea, cauoer, senhor de Puynorman, lo dictz senhor
378, 16 Benars de Segur, cauoer, supplica et requer que, non contrastant
378, 17 l’absencia del dit senhor Bernart de Segur, cauoer, ressepehant lo dit Bernard
378, 18 de Segur, son filh [...]inconnu et requere a muy predit notari que d’aisso
378, 19 fesetz, et detz carta al dit Bernard son filh, a laqual carta lo dit Bernard,
378, 20 cauoers, promis appauzar et metre son propre sajet por maior fermetat et
378, 21 en testimoniatge de bertat. Loquel predit sajet appauzat o non appauzat,
378, 22 effassat o non effassat, lo dit senhor Bernard de Segur, cauoers, bol et
378, 23 autreya que aquesta carta aia perpetual fermetat et perdurable balor. Et
378, 24 ei predictz notari io ey publiat et mis in publica forma apelatz et pregatz.

378, 25 Actum fuit IIa die exitus decembris anno Domini Mo CCo XCo octavo,
378, 26 regnante Philippo, Dei gratia rege Francorum, Audeyno episcopo
378, 27 Petragoricensi. Testes sunt, dominus Poncius Espleitat, miles ; Betrandus de
378, 28 Labrea et Helias Claverii, clerici ; Bertrandus Claverii ; Guillelmus
378, 29 Fromatge ; Guilhelmus de Rivo ; Helias Ricardi ; Arnaldus de Gorsanio ;
378, 30 Arnaldus Ayrardi ; et ego prefatus notarius qui hanc cartam scripsi
378, 31 signoque meo consueto signavi, rogatus.